ཧྭ་ཝེ་ཁྲོམ་ར་དང་གསང་བའི་གསལ་བསྒྲགས་ཀྱི་སྐོར།
གསར་སྒྱུར་བྱས་པའི་ཚེས་གྲངས། 2020ལོའི་ཟླ་01བའི་ཚེས་23ཉིན།
ཧྭ་ཝེ་ཁྲོམ་ར་ནི་ཧྭ་ཝེའི་མཐའ་སྣེ་ཚད་ཡོད་ཀུང་སིས་(གཤམ་དུ་ང་ཚོའམ་ཧྭ་ཝེའི་ཞེས་འབོད་རྒྱུ།)ཁྱེད་ལ་ཐོ་འཇུག་དང་ཚོང་ཟོག་ལ་མིག་བཤར། དྲ་ཐོག་ནས་སྔོན་མངགས་བྱེད་པ་དང་དྲ་ཐོག་ནས་ཉོ་སྒྲུབ་བཅས་མཁོ་འདོན་བྱས་པའི་སྟེགས་བུ་ཞིག་ཡིན། དེའི་ནང་ཧྭ་ཝེ་ཁྲོམ་རའི་ཉེར་སྤྱོད། ཧྭ་ཝེ་ཁྲོམ་རའི་གློག་ཀླད་པར་གཞི། ཧྭ་ཝེ་ཁྲོམ་རའི་འཕྲད་ཡོལ་པར་གཞི། དེ་བཞིན་ཧྭ་ཝེ་ཁྲོམ་རའི་བྱ་རིམ་ཆུང་ངུ་(གཤམ་དུ་བསྡུས་མིང་ལ་སྟེགས་བུ་དེའམ་ཧྭ་ཝེ་ཁྲོམ་ར་ཞེས་འབོད་རྒྱུ།)ཚུད་ཡོད་པ་རེད། ཧྭ་ཝེ་ཁྲོམ་ར་དང་འབྲེལ་བ་ཡོད་པའི་དེ་ལས་མང་བའི་ཆ་འཕྲིན། ཁྱེད་ཀྱིས་ཧྭ་ཝེ་ཁྲོམ་རའི་ དངོས་གཞིའི་དྲ་རྒྱའི་ནང་གི་ཧྭ་ཝེ་ཁྲོམ་རའི་ངོ་སྤྲོད་མདོར་བསྡུས་(https://www.vmall.com/help/faq-939.html)ཡི་ཆ་ཤས་ལ་ལྟ་སྤྱོད་གནང་རོགས།
ཧྭ་ཝེའི་ཡིས་སྤྱོད་མཁན་(གཤམ་དུ་བསྡུས་མིང་ལ་ཁྱེད་ཅེས་འབོད་རྒྱུ་ཡིན།)གྱི་མི་སྒེར་གྱི་ཆ་འཕྲིན་དང་སྒེར་གྱི་གསང་དོན་སྲུང་སྐྱོང་ལ་ཤིན་ཏུ་གཙིགས་ཆེན་བྱེད་བཞིན་ཡོད། ཁྱེད་ཀྱིས་ཧྭ་ཝེ་ཁྲོམ་ར་བེད་སྤྱོད་བྱེད་པའི་གོ་རིམ་ཁྲོད་དུ། ང་ཚོས་ཁྱེད་ཀྱི་མི་སྒེར་གྱི་ཆ་འཕྲིན་འཚོལ་སྡུད་དང་བེད་སྤྱོད་བྱ་སྲིད། ང་ཚོས་ཁྱེད་ཀྱི་མི་སྒེར་གྱི་ཆ་འཕྲིན་ཇི་ལྟར་བསྡུ་རུབ་དང་བེད་སྤྱོད། ཉར་ཚགས། མཉམ་སྤྱོད་དང་ནང་བཤུག་བྱེད་སྟངས་སྐོར་གསལ་བཤད་བྱ་ངེས། དེ་བཞིན་ང་ཚོས་ཁྱེད་ལ་མི་སྒེར་གྱི་ཆ་འཕྲིན་ལ་ལྟ་སྤྱོད། བསྒྱུར་བཅོས། སུབ་པ་དང་ཕྱིར་འཐེན་བྱ་རྒྱུར་མོས་མཐུན་ཡོད་པའི་བྱེད་ཐབས་མཁོ་འདོན་བྱེད། ང་ཚོས་བཅའ་ཁྲིམས་ཀྱི་རེ་བ་དང་ཁེ་ལས་ལས་རིགས་ཀྱི་གནད་སྨིན་འཐུས་ཚང་གི་བདེ་འཇགས་ཚད་གཞི་གཞིར་བཟུང་ནས། ཁྱེད་ཀྱི་མི་སྒེར་གྱི་ཆ་འཕྲིན་ལ་དེ་དང་མཐུན་པའི་བདེ་འཇགས་སྲུང་སྐྱོབ་བྱེད་ཐབས་མཁོ་འདོན་བྱ་སྲིད།
གལ་ཏེ་ཁྱེད་ནི་ལོ་18མན་གྱི་ལོ་ན་མ་སོན་པའི་སྐྱེ་བོ་ཡིན་ན། ཁྱེད་ཀྱི་ཁྲིམས་བཀོད་ལྟ་སྐྱོང་མཁན་གྱིས་ལྟ་ཀློག་དང་གསལ་བསྒྲགས་འདིར་མོས་མཐུན་བྱས་པ་གཏན་མཁེལ་རྗེས། ཧྭ་ཝེ་ཁྲོམ་རའི་ཐོན་རྫས་དང་/ཡང་ན་ཞབས་ཞུ་བེད་སྤྱད་པ་དང་དེ་བཞིན་ང་ཚོར་ཁྱེད་ཀྱི་མི་སྒེར་གྱི་ཆ་འཕྲིན་མཁོ་འདོན་བྱ་དགོས།
【དམིགས་བསལ་དྲན་སྐུལ།】
ཁྱེད་ཀྱི་མི་སྒེར་གྱི་ཆ་འཕྲིན་ལ་སྲུང་སྐྱོབ་དེ་བས་ཡག་པོ་བྱེད་ཆེད།ཧྭ་ཝེ་ཁྲོམ་རའི་ཐོན་རྫས་དང་ཡང་ན་ཞབས་ཞུ་བེད་སྤྱོད་མ་བྱས་གོང་། ཧྭ་ཝེ་ཁྲོམ་ར་དང་གསང་དོན་སྐོར་གྱི་གསལ་བསྒྲགས་ལ་ཞིབ་ཀློག་དང་རྒྱུས་ལོན་གང་ལེགས་བྱེད་དགོས།(གཤམ་དུ་བསྡུས་མིང་ལ་གསལ་བསྒྲགས་འདི་ཞེས་བརྗོད་རྒྱུ།) ནང་དོན་གཙོ་བོ་ནི་ང་ཚོས་རགས་གཟུགས་ཀྱིས་དམིགས་བསལ་དྲན་སྐུལ་བྱས་ཡོད། ཁྱེད་ཀྱིས་ལྟ་ཀློག་མིག་བཤར་བྱེད་དུས་དམིགས་གསལ་དོ་སྣང་ཡོད་པར་སྨོན། ནམ་ཞིག་ཁྱེད་ཀྱིས་བེད་སྤྱོད་པའམ་ཡང་ན་མུ་མཐུད་དུ་ཧྭ་ཝེ་ཁྲོམ་རའི་ཐོན་རྫས་དང་ཡང་ན་ཞབས་ཞུ་བེད་སྤྱོད་བྱས་ཚེ། ཁྱེད་ཀྱིས་ང་ཚོས་གསལ་བསྒྲགས་འདི་ལྟར་ཁྱེད་ཀྱི་འབྲེལ་ཡོད་ཆ་འཕྲིན་ཐག་གཅོད་བྱེད་པར་མོས་མཐུན་བྱས་པ་མཚོན།
ཁྱེད་ཀྱི་གོ་བ་ལེན་རྒྱུར་སྟབས་བདེ་ཡོང་ཆེད། གསལ་བསྒྲགས་འདིས་གོ་བདེ་ཞིང་ཤེས་སླའི་བྱ་ཐབས་ཐོག་ནས་མཚོན་ཐབས་བྱ་རྒྱུ་དང་། ཆེད་སྤྱོད་ཐ་སྙད་དང་འབྲེལ་བ་ཡོད་ཚེ། ང་ཚོས་གསལ་བསྒྲགས་འདིའི་ས་བཅད་7པའི་ཐ་སྙད་འགྲེལ་བཤད་ནང་ཐ་སྙད་དེ་དག་ལ་གསལ་བཤད་ཞིབ་ཕྲ་བྱ་སྲིད། ང་ཚོས་བསྡུ་རུབ་བྱས་པའི་ཁྱེད་ཀྱི་ཚོར་སྣང་སྐྱེན་པའི་ཆ་འཕྲིན་ལ་ང་ཚོས་ཀྱང་རགས་གཟུགས་ཀྱི་རྣམ་པའི་ཐོག་ནས་མཚོན་རྟགས་བཀོད་ནས་ཁྱེད་རང་ལ་དྲན་སྐུལ་ཤུགས་ཆེར་གཏོང་གི་ཡོད། ནམ་ཞིག་ཁྱེད་ཀྱི་མི་སྒེར་གྱི་ཚོར་སྣང་སྐྱེན་པའི་ཆ་འཕྲིན་འདོན་སྤྲོད་བྱ་རྒྱུར་མོས་མཐུན་བྱས་ཚེ། ང་ཚོས་གསལ་བསྒྲགས་འདིའི་ནང་བཤད་པའི་དམིགས་ཡུལ་དང་བྱེད་སྟངས་ལྟར་ཁྱེད་ཀྱི་མི་སྒེར་གྱི་ཚོར་སྣང་སྐྱེན་པའི་ཆ་འཕྲིན་ཐག་གཅོད་བྱེད་སྲིད། ང་ཚོས་ཁྱེད་ཀྱི་མི་སྒེར་གྱི་ཚོར་སྣང་སྐྱེན་པའི་ཆ་འཕྲིན་བེད་སྤྱོད་པའི་དམིགས་ཡུལ་ནི་ཧྭ་ཝེ་ཁྲོམ་རའི་ལས་སྒོ་དང་འབྲེལ་བ་ཡོད་པའི་རྩོལ་ནུས་མངོན་འགྱུར་བྱ་ཆེད་ཡིན། ཁྱེད་རང་ལ་ང་ཚོར་མི་སྒེར་གྱི་ཚོར་སྣང་སྐྱེན་པའི་ཆ་འཕྲིན་མཁོ་འདོན་དང་ལེན་མི་བྱེད་པའི་དབང་ཆ་ཡོད། འོན་ཀྱང་ང་ཚོས་ཆ་འཕྲིན་དེ་དག་བསྡུ་རུབ་བྱེད་པར་དང་ལེན་མི་བྱེད་ཚེ་ཁྱེད་ཀྱིས་འབྲེལ་ཡོད་ཀྱི་རྩོལ་ནུས་བེད་སྤྱོད་བྱེད་རྒྱུར་ཤུགས་རྐྱེན་ཐེབས་སྲིད།
གསལ་བསྒྲགས་དེ་ནི་ཧྭ་ཝེ་ཁྲོམ་རའི་ལས་སྒོར་དམིགས་ནས་བཟོས་པའི་གསང་དོན་ཐད་ཀྱི་བརྗོད་པ་དང་ཁས་ལེན་ཞིག་ཡིན། ཧྭ་ཝེའི་འཛད་སྤྱོད་པའི་ལས་སྒོའི་གསང་དོན་གསལ་བསྒྲགས་(https://consumer.huawei.com/cn/legal/privacy-policy/)ཀྱི་གྲུབ་ཆ་གལ་ཆེན་ཞིག་ཀྱང་རེད། ཧྭ་ཝེ་ཁྲོམ་རའི་དམིགས་བསལ་ཁ་ཆད་དང་འབྲེལ་བ་ཡོད་པའི། གལ་ཏེ་ཧྭ་ཝེའི་འཛད་སྤྱོད་པའི་ལས་སྒོའི་གསང་དོན་གསལ་བསྒྲགས་(https://consumer.huawei.com/cn/legal/privacy-policy/)དབར་མི་མཐུན་ས་ཡོད་ཚེ། གསལ་བསྒྲགས་དེ་ཚད་གཞིར་འཛིན་དགོས་པ་དང་། གལ་ཏེ་གསལ་བསྒྲགས་དེའི་ནང་ཁ་ཆད་བྱས་མེད་ཚེ། ཧྭ་ཝེའི་འཛད་སྤྱོད་པའི་ལས་སྒོའི་གསང་དོན་གསལ་བསྒྲགས་(https://consumer.huawei.com/cn/legal/privacy-policy/)ཚད་གཞིར་འཛིན་དགོས། ལྷག་པར་དུ། ཁྱེད་ཀྱི་མི་སྒེར་གྱི་ཆ་འཕྲིན་སྲུང་སྐྱོབ་དང་། སྐྱེ་བོ་ལོ་ན་མ་སོན་པའི་མི་སྒེར་གྱི་ཆ་འཕྲིན་སྲུང་སྐྱོང་། Cookie དང་རིགས་མཐུན་གྱི་ལག་རྩལ་བེད་སྤྱོད་ཇི་ལྟར་བྱ་རྒྱུའི་སྐོར་གྱི་ཁ་ཆད་ཁ་ཤས། ཁྱེད་ཀྱིས་ཧྭ་ཝེའི་འཛད་སྤྱོད་པའི་ལས་སྒོའི་གསང་དོན་གསལ་བསྒྲགས་(https://consumer.huawei.com/cn/legal/privacy-policy/)ཞིབ་པར་ཀློག་རྒྱུའི་གྲོས་འགོ་འདོན་རྒྱུ་ཡིན།
1. ཁྱེད་ཀྱི་མི་སྒེར་གྱི་ཆ་འཕྲིན་ཇི་ལྟར་བསྡུ་རུབ་དང་བེད་སྤྱོད་བྱེད་དམ།
ང་ཚོས་ཚུལ་མཐུན་དང་། ཁྲིམས་མཐུན། དགོས་ངེས་བཅས་ཀྱི་རྩ་དོན་ལ་བརྩི་སྲུང་བཞུ་སྲིད། གསལ་བསྒྲགས་འདིའི་ནང་འཁོད་པའི་གཤམ་གསལ་གྱི་དམིགས་ཡུལ་ལ་དམིགས་ཏེ། ཁྱེད་ཀྱིས་ཐོན་རྫས་དང་ཡང་ན་ཞབས་ཞུའི་བརྒྱུད་རིམ་ནང་རང་འགུལ་ངང་མཁོ་འདོན་བྱེད་པའམ་ཡང་ན་ཐོན་རྫས་དང་/ཡང་ན་ཞབས་ཞུ་བེད་སྤྱོད་བྱས་པ་ལས་བྱུང་བའི་མི་སྒེར་གྱི་ཆ་འཕྲིན་བསྡུ་རུབ་དང་བེད་སྤྱོད་བྱེད་སྲིད། དེ་བཞིན་ཕྱོགས་གསུམ་པའི་ཕྱོགས་ནས་ཁྱེད་ཀྱི་འབྲེལ་ཡོད་མི་སྒེར་གྱི་ཆ་འཕྲིན་ཐོབ་ཐབས་བྱེད་ཀྱི་ཡོད། གལ་ཏེ་ང་ཚོས་ཁྱེད་ཀྱི་མི་སྒེར་ཀྱི་ཆ་འཕྲིན་གསལ་བསྒྲགས་འདིའི་ནང་དུ་གསལ་པོར་འཁོད་མེད་པའི་སྤྱོད་སྒོ་གཞན་དག་ལའམ་ཡང་ན་ཆེད་བཙུགས་དམིགས་ཡུལ་ལ་གཞིགས་ནས་བསྡུ་རུབ་བྱས་པའི་ཆ་འཕྲིན་དམིགས་ཡུལ་གཞན་དག་ཏུ་བེད་སྤྱོད་བྱེད་སྐབས་སུ། ང་ཚོས་ལུགས་དང་མཐུན་པའི་བྱ་ཐབས་ཐོག་ནས་ཁྱེད་རང་ལ་གསལ་བཤད་དང་འབྲེལ་བེད་སྤྱོད་མ་བཏང་གོང་ཡང་བསྐྱར་ཁྱེད་ཀྱི་མོས་མཐུན་ཐོབ་ཐབས་བྱེད།
1.1 ཁྱེད་རང་ལ་ཐོན་རྫས་དང་/ཡང་ན་ཞབས་ཞུ་མཁོ་འདོན་བྱེད་པའི་བརྒྱུད་རིམ་ཁྲོད་དུ་ཁྱེད་ཀྱིས་རང་འགུལ་ངང་མཁོ་འདོན་བྱས་པའི་མི་སྒེར་གྱི་ཆ་འཕྲིན།
ཧྭ་ཝེ་ཁྲོམ་རའི་ལས་སྒོའི་རྩོལ་ནུས་མངོན་འགྱུར་བྱེད་ཆེད། ང་ཚོས་ཁྱེད་ཀྱི་མི་སྒེར་གྱི་ཆ་འཕྲིན་བསྡུ་རུབ་བྱ་དགོས། གཤམ་དུ་ཧྭ་ཝེ་ཁྲོམ་རའི་གཞི་རྩའི་ལས་སྒོའི་རྩོལ་ནུས་དང་དེ་བཞིན་རྩོལ་ནུས་འདི་མངོན་འགྱུར་ཡོང་བར་བསྡུ་རུབ་བྱ་དགོས་མི་སྒེར་གྱི་ཆ་འཕྲིན་ཞིབ་ཕྲ་འགོད་རྒྱུ་ཡིན། གལ་ཏེ་ཁྱེད་ཀྱིས་དེའི་ནང་གི་རྩོལ་ནུས་གང་ཞིག་ལ་མཁོ་བའི་བསྡུ་རུབ་བྱེད་དགོས་པའི་མི་སྒེར་གྱི་ཆ་འཕྲིན་མཁོ་འདོན་བྱ་རྒྱུ་ཁས་མ་བླངས་ཚེ་ལས་སྒོའི་རྩོལ་ནུས་དེ་བེད་སྤྱོད་བྱེད་ཐབས་བྲལ། ཁྱེད་ལ་དོ་སྣང་བྱ་དགོས་པ་ཏེ། གལ་ཏེ་ཁྱེད་ཀྱིས་མཁོ་འདོན་བྱས་པ་དེ་མི་གཞན་མི་སྒེར་གྱི་ཆ་འཕྲིན་ཡིན་ན། ཁྱེད་ཀྱིས་འབྲེལ་ཡོད་བྱེད་པོས་དབང་ཆ་སྤྲད་པའི་འགན་ལེན་བྱེད་དགོས།
A. ཐོ་འགོད། རྩིས་ཨང་ཐོ་འཇུག་དང་ར་སྤྲོད།
(1)ཁྱེད་རང་ཧྭ་ཝེ་ཁྲོམ་རའི་ཧྭ་ཝེའི་རྩིས་ཨང་གི་ཐོ་འགོད་དུ་ཞུགས་སྐབས། ང་ཚོར་གཤམ་གསལ་གྱི་ཆ་འཕྲིན་འདོན་སྤྲོད་བྱ་དགོས་ཏེ། ཕོ་མོ། ས་ཁུལ། སྐྱེས་སྐར་གྱི་བརྡ་འཕྲིན། ལག་ཁྱེར་ཁ་པར་ཨང་གྲངས། གལ་ཏེ་ཁྱེད་ཀྱི་ཡིག་སྒམ་ཐོ་འགོད་གདམ་ཚེ། ད་དུང་ང་ཚོར་ཡིག་སྒམ་གྱི་གནས་ཡུལ་འདོན་སྤྲོད་བྱེད་དགོས།
(2)ཁྱེད་ཀྱིས་ཧ་ཝེའི་རྩིས་ཨང་ཐོ་བཀོད་ལེགས་སྒྲུབ་བྱུང་རྗེས། ཧྭ་ཝེའི་རྩིས་ཨང་གིས་ཧྭ་ཝེ་ཁྲོམ་ར་ཐོ་འཇུག་བྱས་ཆོག ཐོ་འཇུག་བྱེད་སྐབས། ཁྱེད་ཀྱིས་ང་ཚོར་ཁྱེད་ཀྱི་ཧ་ཝེའི་རྩིས་ཨང་གི་ཆ་འཕྲིན་མཁོ་འདོན་བྱེད་དགོས། གལ་སྲིད་ཁྱེད་ཀྱིས་འདིའི་རིགས་ཀྱི་ཆ་འཕྲིན་མཁོ་འདོན་མི་བྱེད་ཚེ། ཁྱེད་ཀྱིས་ཧྭ་ཝེ་ཁྲོམ་རའི་ཐོ་འཇུག་བྱ་ཐབས་བྲལ་བ་དང་ཧྭ་ཝེ་ཁྲོམ་རའི་ནང་དུ་ཚོང་ཟོག་ཉོ་ཐབས་བྲལ། དེ་མིན། གལ་སྲིད་ཁྱེད་ཀྱིས་འཐོལ་པའི་ཆ་འཕྲིན་གཅེས་མིང་། མགོ་པར་བཅས་མཁོ་འདོན་བྱས་ཚེ། ཧྭ་ཝེ་ཁྲོམ་རས་ཁྱེད་ལ་སྔར་ལས་ལེགས་པའི་ཞབས་ཞུ་དང་ཉམས་ཞིབ་མཁོ་འདོན་བྱ་བར་རོགས་རམ་ཡོད། གལ་ཏེ་ཁྱེད་ཀྱིས་ཧྭ་ཝེ་ཁྲོམ་རའི་མིག་བཤར་དང་བཤེར་འཚོལ་རྩོལ་ནུས་ཁོ་ན་བེད་སྤྱོད་བྱས་ན། ཁྱེད་ཀྱིས་ཀྱང་ཐོ་འཇུག་མིན་པའི་གནས་ཚུལ་འོག་ཏུ་བེད་སྤྱོད་བྱེད་ཆོག དེ་དུས་གོང་གསལ་མི་སྒེར་གྱི་ཆ་འཕྲིན་འདོན་སྤྲོད་བྱ་མི་དགོས།
(3)ཁེ་ལས་ཀྱི་ཐོ་འགོད་དེ་ཧྭ་ཝེ་ཁྲོམ་རའི་ཁེ་ལས་སྤྱོད་མཁན་དུ་གྱུར་སྐབས། ཁེ་ལས་དེའི་ཐོ་འགོད་མི་སྣ་(ཁྱེད།)ཡིས་ང་ཚོར་ཁྱེད་ཀྱི་མིང་དང་། ལག་ཁྱེར་ཁ་པར་གྱི་ཨང་གྲངས་དང་ཡིག་སྒམ་གྱི་ས་གནས་བཅས་འདོན་སྤྲོད་བྱ་དགོས། ཁེ་ལས་ཀྱིས་ O2O ཞབས་ཞུ་སྤྱོད་སྐབས། ང་ཚོས་ད་དུང་ཁེ་ལས་དེའི་ཁྲིམས་བཀོད་འཐུས་ཚབ་པའི་མིང་དང་། ལག་ཁྱེར་ཁ་པར་གྱི་ཨང་གྲངས་དང་ཐོབ་ཐང་ལག་ཁྱེར་གྱི་ཆ་འཕྲིན་བཅས་བསྡུ་རུབ་བྱས་ནས་ཁེ་ལས་དེའི་ཐོབ་ཐང་ཞིབ་བཤེར་ལེགས་འགྲུབ་བྱ་རྒྱུ་ཡིན། གལ་ཏེ་ཁྱེད་ཀྱིས་གོང་དུ་བརྗོད་པའི་ཆ་འཕྲིན་མཁོ་འདོན་མི་བྱ་ཚེ། ང་ཚོས་ཁྱེད་ལ་འབྲེལ་བ་བྱེད་ཐབས་བྲལ་བ་དང་ཁེ་ལས་ཞབས་ཞུའི་ཞིབ་བཤེར་ལེགས་འགྲུབ་བྱ་མི་ཐུབ་ཀྱང་སྲིད།
(4)ར་སྤྲོད།
ཀྲུང་གོའི་ཁྲིམས་ལུགས་ཁྲིམས་སྲོལ་གྱི་རེ་བ་དང་དེ་བཞིན་བདེ་འཇགས་འགན་སྲུང་གི་དམིགས་ཡུལ་ལ་གཞིགས་ནས་ཁྱེད་ཀྱིས་ཧྭ་ཝེ་རྩིས་ཨང་ཐོ་འགོད་བྱེད་སྐབས། ང་ཚོས་ཁྱེད་ཀྱི་ཁ་པར་ཨང་གྲངས་(གལ་ཏེ་ཁྱེད་ཀྱིས་ཡིག་སྒམ་ཐོ་འགོ་བེད་སྤྱད་ན། ཁྱེད་ཀྱིས་ད་དུང་ང་ཚོར་ཡིག་སྒམ་གྱི་ས་གནས་མཁོ་འདོན་བྱ་དགོས།)མཁོ་འདོན་བྱེད་དགོས། ང་ཚོས་ཁྱེད་རང་ལ་ར་སྤྲོད་ཨང་སྤྲད་ནས་ར་སྤྲོད་བྱེད་དགོས། གལ་ཏེ་ཁྱེད་ཀྱིས་ཁ་པར་ཨང་གྲངས་ལ་ཞིབ་བཤེར་བྱེད་རྒྱུ་དང་ལེན་མ་བྱས་ན། ཐོ་འགོད་ལེགས་འགྲུབ་མ་བྱུང་བས། ཧྭ་ཝེ་ཁྲོམ་རའི་ཐོན་རྫས་དང་ཡང་ན་ཞབས་ཞུའི་འབྲེལ་ཡོད་རྩོལ་ནུས་བེད་སྤྱོད་བྱེད་མི་ཐུབ། ཡིན་ནའང་ཁྱེད་ཀྱིས་ཐོ་འགོད་/ཐོ་འཇུག་དྲ་ངོས་ནས་ཕྱིར་འཐེན་ནས་དྲ་ངོས་གཙོ་བོར་ལོག་ནས་མིག་བཤར་བྱས་ཆོག
གལ་ཏེ་ཁྱེད་ཀྱིས་གསང་ཨང་བརྗེད་སོང་ན། ཐོ་འཇུག་གསང་ཨང་འཚོལ་དགོས་ཚེ། ང་ཚོས་ཁྱེད་ཀྱི་ཐོབ་ཐང་ལ་ཞིབ་བཤེར་བྱེད་དགོས། ཁྱེད་ཀྱིས་ང་ཚོར་ཁ་པར་ཨང་གྲངས་འདོན་སྤྲོད་བྱེད་དགོས། གལ་ཏེ་ཁྱེད་ཀྱིས་ཡིག་སྒམ་བཀོལ་ནས་ཐོ་འགོད་བདམས་ཚེ། ཁྱེད་ཀྱིས་ད་དུང་ང་ཚོར་ཡིག་སྒམ་གྱི་ས་གནས་འདོན་སྤྲོད་བྱེད་དགོས། ད་དུང་ར་སྤྲོད་ཨང་ནང་འཇུག་བྱས་ན་གཞི་ནས་གསང་གྲངས་བསྐྱར་འཇོག་དང་ཡང་བསྐྱར་ཐོ་འཇུག་བྱེད་ཐུབ།
གལ་ཏེ་ཁྱེད་ཀྱིས་ཧྭ་ཝེའི་ཐོ་ཨང་ཐོ་འགོད་བྱེད་པའི་སྐོར་དང་ཧྭ་ཝེའི་ཐོ་ཨང་བེད་སྤྱོད་སྐབས་སྤྱོད་ཆོག་པའི་ཁེ་དབང་དེ་བཞིན་འཁུར་སྲིད་པའི་བཅའ་ཁྲིམས་ཀྱི་འགན་འཁྲི་སོགས་ཞིབ་ཕྲའི་ཆ་འཕྲིན་ལ་རྒྱུས་ལོན་དེ་བས་མང་བ་བྱེད་འདོད་ན། ཧྭ་ཝེའི་ཐོ་ཨང་སྤྱོད་མཁན་གྲོས་མཐུན།(https://hwid1.vmall.com/AMW/portal/agreements/userAgreement/zh-cn_userAgreement.html?version=china&countryCode=cn&reqClientType=26)དང་ཧྭ་ཝེའི་ཐོ་ཨང་དང་གསང་བའི་གསལ་བསྒྲགས་ཀྱི་སྐོར།(https://hwid1.vmall.com/AMW/portal/agreements/accPrivacyStatement/zh-cn_accPrivacyStatement.html)ཀློག་རོགས་གནང་།
(5)ཁྱེད་ཀྱིས་ཧྭ་ཝེ་ཁྲོམ་རའི་གོ་རིམ་ཆུང་ངུ་བེད་སྤྱོད་གཏོང་སྐབས། ཡང་ན་ཧྭ་ཝེ་ཁྲོམ་རའི་མཉམ་ལས་རོགས་ཟླའི་དྲ་ཚིགས་/ཉེར་སྤྱོད་ཁྲོད་ཧྭ་ཝེ་ཁྲོམ་ར་སྤྱོད་སྐབས། ཁྱེད་ཀྱིས་ཕྱོགས་གསུམ་པའི་རྩིས་ཨང་སྤྱད་ནས་ཐོ་འཇུག་བྱས་ཆོག དེ་ལྟར་བྱས་ཏེ་ཉོ་སྒྲུབ། མངགས་ཐོ་འདྲི་རྩད་དང་། གཟིགས་སྐྱོང་ཤོག་འགྲིལ་ལེན་པ་སོགས་ཀྱི་བཀོལ་སྤྱོད་སྟབས་བདེ་ཡོང་ཆེད་ཡིན། ང་ཚོས་ཁྱེད་ཀྱི་མོས་མཐུན་ཐོབ་རྗེས་ཁྱེད་ཀྱི་མི་སྒེར་གྱི་མགོ་པར། གཅེས་མིང་དང་ཕྱོགས་གསུམ་པའི་རྩིས་ཨང་ཆ་འཕྲིན་བསྡུ་རུབ་བྱེད།
B. དངོས་ཟོག་འབྱོར་བའི་བརྡ་ཐོ།
ཁྱེད་ཀྱིས་ཧྭ་ཝེ་ཁྲོམ་རའི་ཐོག་ཏུ་ཚོང་ཟོག་མངག་དུས། ཁྱེད་ཀྱི་ལག་ཐོག་ཁ་པར་ཨང་གྲངས་སམ་ཡིག་སྒམ་གནས་ཡུལ་མཁོ་འདོན་བྱེད་དགོས། འདི་ནི་ཁྱེད་ཀྱི་སྔོན་མངགས་བྱས་པའི་ཚོང་ཟོག་འབྱོར་སྐབས་དུས་ཐོག་ཏུ་ཁྱེད་རང་ལ་བརྡ་ཐོ་བཏང་རྒྱུའི་ཆེད་དུ་རེད།
C. ཚོང་ཟོག་ཉོ་བ།
ཁྱེད་ཀྱིས་ཧྭ་ཝེའི་ཐོ་ཨང་ཐོ་འཇུག་བྱས་ནས་ཚོང་ཟོག་ཉོ་ཆོག འཛིན་ཤོག་ལག་བསྟར་བྱས་རྗེས་ཁྱེད་རང་ལ་ཚོང་ཟོག་བསྐུར་སྐྱེལ་དང་དེ་བཞིན་བཙོངས་རྗེས་ཀྱི་ཞབས་ཞུ་འདོན་སྤྲོད་བྱེད་པའི་འོས་འགན་དང་ལེན་བྱེད་ཆེད། ང་ཚོར་ཁྱེད་ཀྱི་དངོས་ཟོག་ལེན་སའི་ས་གནས་དང་། དངོས་ཟོག་ལེན་མཁན་གྱི་མིང་། ཁ་པར་ཨང་གྲངས་བཅས་མཁོ་འདོན་བྱེད་དགོས་པ་མ་ཟད། ད་དུང་གོང་གསལ་གྱི་ཆ་འཕྲིན་དག་ཕྱོགས་གསུམ་པའི་མཛོད་ཉར། དངོས་ཟོག་སྐྱེལ་འདྲེན་དང་ཞབས་ཞུའི་མཁོ་འདོན་ཚོང་པར་མཉམ་སྤྱོད་བྱེད་སྲིད། གལ་སྲིད་ཁྱེད་ཀྱིས་འདིའི་རིགས་ཀྱི་ཆ་འཕྲིན་མཁོ་འདོན་མི་བྱེད་ཚེ། ང་ཚོས་ཚོང་ཟོག་སྐུར་བ་དང་སྐྱེལ་འགྲེམས་དེ་བཞིན་འཚོང་རྗེས་ཞབས་ཞུ་མཁོ་འདོན་བྱ་ཐབས་བྲལ། དེ་དང་མཉམ་དུ། ཁྱེད་ཀྱིས་གློག་རྡུལ་བཙོངས་འཛིན་འབྲི་དགོས་དུས། ཚོང་ཟོག་མི་འདྲ་བར་གཞིགས་ནས། ཁྱེད་ཀྱིས་ཡིག་སྒམ་གྱི་གནས་ཡུལ་ལམ་ཁ་པར་ཨང་གྲངས་འདོན་སྤྲོད་བྱས་ནས་གློག་རྡུལ་བཙོངས་འཛིན་ལེན་དགོས། ཁྱེད་ཀྱིས་ཁྱེད་རང་ལ་ཤོག་རིགས་བཙོངས་འཛིན་བསྐུར་རྒྱུའི་སྙན་ཞུ་ཕུལ་སྐབས། ཁྱེད་ཀྱིས་དངོས་ཟོག་ལེན་མཁན་གྱི་མིང་དང་། དངོས་ཟོག་རྩིས་ལེན་གྱི་ས་གནས།ཁ་པར་ཨང་གྲངས་བཅས་མཁོ་འདོན་བྱེད་དགོས།
གལ་ཏེ་ཁྱེད་ཀྱིས་ཐོ་འཇུག་མི་དགོས་པའི་དཔེ་ཚུལ་(གློག་ཀླད་པར་གཞི་དང་རེག་ཤེལ་པར་གཞི་ཁོ་ནའི་ཚོང་ཟོག་ཁ་ཤས་ཀྱིས་རྒྱབ་སྐྱོར་བྱེད།)བརྒྱུད་ནས་ཧྭ་ཝེ་ཁྲོམ་ར་ནས་ཚོང་ཟོག་ཉོས་ན། ཁྱེད་ཀྱིས་ལག་ཁྱེར་ཁ་པར་ཨང་གྲངས་དང་ར་སྤྲོད་ཨང་གྲངས་ནང་འཇུག་བྱས་ཏེ་ཁྱེད་ཀྱིས་ཐོ་འཇུག་མི་དགོས་པའི་དཔེ་ཚུལ་བེད་སྤྱད་ནས་ཉོ་སྐབས་ཀྱི་ཐོབ་ཐང་ར་སྤྲོད་བྱེད་དགོས།
གལ་ཏེ་ཁྱེད་ཀྱིས་དུས་བགོས་དངུལ་སྤྲོད་ཀྱི་ཞབས་ཞུ་གདམ་ཚེ། ཁྱེད་ཀྱིས་སྒྲིག་ཆས་སྟེང་མཁོ་འདོན་བྱས་པའི་དངུལ་ཁང་ཁྭ་ཡི་ཆ་འཕྲིན། ཁ་པར་ཨང་གྲངས་ནི་གསང་གྲངས་བསྣན་རྗེས་ཕྱོགས་གསུམ་པའི་གཏོང་སྤྲོད་ཞབས་ཞུ་འདོན་སྤྲོད་བྱེད་མཁན་ལ་སྤྲོད་ངེས་ཡིན། དངུལ་སྤྲད་པའི་ཞབས་ཞུ་མཁོ་འདོན་བྱེད་མཁན་གྱིས་ཁྱེད་ཀྱིས་ཁ་སྣོན་བྱས་པའི་དངུལ་ཁང་ཁྭ་ཡི་ཨང་གྲངས་དེས་བྱང་བུའི་མཚོན་རྟགས་གཅིག་པུ་དེ་འགྲུབ་པ་དང་། ང་ཚོས་བྱང་བུའི་མཚོན་རྟགས་ཉར་ཚགས་བྱས་པ་དང་བསྒྲགས་ཁྱེད་ཀྱི་ཧྭ་ཝེའི་རྩིས་ཨང་དང་འབྲེལ། དེ་དང་མཉམ་དུ། གཏོང་སྤྲོད་ཞབས་ཞུ་འདོན་སྤྲོད་བྱེད་མཁན་གྱིས་ཀྱང་ཁྱེད་ཀྱི་དངུལ་ཁང་ཁྭ་ཨང་གྲངས་མིང་མི་འགོད་པའི་ཐག་གཅོད་བྱས་རྗེས་ང་ཚོར་ཉར་ཚགས་བྱེད་དུ་བཅུག་སྟེ། ཁྱེད་ཀྱིས་སྔར་བས་སྟབས་བདེ་ཞིང་བདེ་འཇགས་ཀྱི་སྒོ་ནས་དུས་བགོས་གཏོང་སྤྲོད་ཞབས་ཞུ་སྤྱོད་ཐུབ་པར་བྱ། ང་ཚོས་ཁྱེད་ཀྱི་ཆ་འཕྲིན་གཞན་པ་གསོག་མི་སྲིད།
གལ་ཏེ་ཁྱེད་ཀྱིས་ཁེ་ལས་བཀོལ་ནས་ཞབས་ཞུ་ཉོ་སྐབས། ང་ཚོས་ངེས་བར་དུ་དགོས་པའི་ཆ་འཕྲིན་འཐོལ་པ་བསྡུ་རུབ་བྱེད། གལ་ཏེ་ཁྱེད་ཀྱིས་ཁེ་ལས་ཀྱི་འདོད་མོས་ཤོག་བྱང་སྤྲོད་སྐབས། ང་ཚོས་འབྲེལ་གཏུག་རྒྱུན་འཁྱོངས་བྱེད་ཆེད་ཉོ་སྒྲུབ་འབྲེལ་གཏུག་པའི་མིང་དངཁ་པར་ཨང་གྲངས་བསྡུ་རུབ་བྱེད། ཁྱེད་ཀྱིས་ཁེ་ལས་ཀྱི་རྒྱུད་ཁོངས་བེད་སྤྱད་དེ་ཞབས་ཞུ་བཟོ་སྐབས། ང་ཚོས་ཁྱེད་ཀྱི་སྒྲིག་ཆས་ཀྱི་གསལ་བྱེད་རྟགས་དང་མངག་ཐོའི་ཨང་གྲངས་བསྡུ་རུབ་དང་ཐག་གཅོད་བྱེད་ཀྱི་ཡོད། ང་ཚོས་ཁྱེད་རང་ལ་གཏན་འཁེལ་བྱས་པའི་ཞབས་ཞུ་ཁྱེད་ཀྱིས་གཏན་འཁེལ་བྱས་པའི་སྒྲིག་ཆས་ཐོག་འབུད་སྐྱེལ་བྱེད།
D. ཚོང་གཉེར་བྱེད་སྒོ།
ཁྱེད་རང་བྱ་དགའ་འཐེན་པ་དང་གོང་ཁེའི་སྤ་སེ་ལེན་པའི་བྱེད་སྒོའི་ནང་ཞུགས་སྐབས། བསམ་ངན་བཅངས་པའི་འཛད་སྤྱོད་པས་བྱ་དགའ་སྤྲོད་པའི་སྤ་སེ་ཉོ་རྒྱུ་བཀག་འགོག་བྱེད་ཆེད། ང་ཚོས་ཁྱེད་རང་གི་ཧྭ་ཝེའི་ཐོ་ཨང་ལ་མིང་ངོ་མ་བཀོད་ནས་བདེན་མིན་ར་སྤྲོད་བྱེད་མིན་ཚོད་ལྟ་བྱེད་དགོས། གལ་ཏེ་ཁྱེད་ལ་བྱ་དགའ་ཐོབ་ཚེ་བྱ་དགའ་ཐོབ་མཁན་གྱི་མིང་དང་། ལག་ཐོགས་ཁ་པར་གྱི་ཨང་གྲངས།དངོས་ཟོག་ལེན་པའི་ས་གནས། གཅེས་མིང་བཅས་མཁོ་འདོན་བྱས་ནས་བྱ་དགའ་སྤྲོད་སྐབས་ཁྱེད་དང་འབྲེལ་བ་བྱེད་པར་སྤྱོད། འོན་ཀྱང་ང་ཚོས་ཕྱི་ཕྱོགས་ལ་བྱ་དགའ་ཐོབ་མཁན་གྱི་ཆ་འཕྲིན་ཁྱབ་བསྒྲགས་བྱེད་སྐབས་མིང་མི་འགོད་པའི་རྣམ་པའི་ཐོག་ནས་འགྲེམ་སྟོན་བྱེད་ཀྱི་ཡོད།
E. མཁོ་མཁན་ཞབས་ཞུ།
(1)བློ་འདྲི་/ཞུ་གཏུག་/རྒྱུན་ལྡན་མིན་པའི་མངག་ཐོ། ཁྱེད་ཀྱིས་ཧྭ་ཝེ་ཁྲོམ་ར་ལ་བློ་འདྲི་དང་ཞུ་གཏུག་རྒྱུན་ལྡན་མིན་པའི་མངག་ཐོ་ཐག་གཅོད་བྱེད་སྐབས། ང་ཚོས་གནས་ཚུལ་མི་འདྲ་བར་གཞིགས་ནས་ཁྱེད་ཀྱི་ཧྭ་ཝེའི་རྩིས་ཐོའི་ཨང་གྲངས། མངག་ཐོའི་ཆ་འཕྲིན། ཁ་བརྡའི་ཟིན་ཐོ།དངུལ་སྤྲོད་ཆ་འཕྲིན། རྩོད་གཞིའི་མིའི་མིང་། ལག་ཁྱེར་ཁ་པར་ཨང་གྲངས་དང་གོ་ཆོད་ལག་ཁྱེར། དངུལ་ལེན་མཁན་གྱི་མིང་། དངུལ་ལེན་རྩིས་ཐོའི་ཨང་གྲངས། སྒྲིག་ཆས་ཀྱི་གསལ་བྱེད་རྟགས། གནས་ཡུལ་གྱི་ཆ་འཕྲིན་བཅས་བསྡུ་རུབ་བྱེད་ཀྱི་ཡོད།
(2)བསྐྱར་འདྲི། ཁྱེད་ཀྱིས་ཧྭ་ཝེ་ཁྲོམ་ར་བེད་སྤྱོད་བྱས་ནས་ཚོང་ཟོག་ཉོ་བའི་རྒྱུད་རིམ་ཁྲིད་ཀྱི་ཉམས་ལེན་མཐོ་རུ་གཏོང་ཆེད། ཁྱེད་ཀྱིས་ཁྱེད་ཀྱི་རུས་མིང་དང་ཁ་པར་ཨང་གྲངས་མཁོ་འདོན་བྱས་ནས་ང་ཚོས་ཁྱེད་ལ་འཚམས་འདྲིའི་ཞབས་ཞུ་འདོན་སྤྲོད་བྱེད་རོགས་བྱ་དགོས།
F. གདེང་འཇོག་དང་ལྡོག་ལན།
(1)ཁྱེད་ཀྱིས་ཧྭ་ཝེ་ཁྲོམ་རའི་ནང་དུ་སྐད་བཞག་རམ་གདེང་འཇོག་འཇོག་སྐབས། ཁྱེད་ཀྱི་དྲན་འཆར་དང་གདེང་འཇོག་ཀྱི་ནང་དོན་ཧྭ་ཝེའི་ཞབས་ཞུ་ཆས་སུ་ཉར་ཚགས་བྱེད། ང་ཚོས་འདིར་ཁྱེད་རང་ལ་གསལ་འདེབས་བྱ་རྒྱུར། སྐད་བཞག་དང་གདེང་འཇོག་ནང་དོན་ནི་ཡོངས་བསྒྲགས་འགྲེམ་སྟོན་ཡིན་པས། གལ་ཏེ་དེའི་ནང་མི་སྒེར་གྱི་ཆ་འཕྲིན་ཚུད་ཡོད་ན་ཁྱེད་རང་ལ་ཉེན་ཁ་ངེས་ཅན་ཞིག་ཡོད་སྲིད་པས། བསམ་འཆར་ལ་ཁྱེད་ཀྱི་སྐད་འཕྲིན་དང་གདེང་འཇོག་ནང་དུ་མི་སྒེར་གྱི་ཆ་འཕྲིན་ཁྱབ་བསྒྲགས་བྱེད་རྒྱུར་གཟབ་ནན་བྱེད་དགོས།
(2)ཁྱེད་ཀྱིས་ཧྭ་ཝེ་ཁྲོམ་རའི་བསམ་འཆར་ལྡོག་ལན་ཁྲོད་ཁྱེད་ཀྱི་གྲོས་འགོ་དང་བསམ་འཆར་ལྡོག་ལེན་བྱེད་སྐབས། ཁྱེད་ཀྱིས་ཉིན་ཐོའི་ཆ་འཕྲིན་མཉམ་སྤྱོད་བྱེད་མིན་འདེམས་ཆོག ཁྱེད་ཀྱི་ག་ལན་དེས་ང་ཚོས་ཧྭ་ཝེ་ཁྲོམ་རའི་ཉམས་ལེན་ལེགས་བཅོས་བྱེད་པར་ཕན་པ་ཡོད། གནད་དོན་ཐག་གཅོད་བྱས་རྗེས་ཁྱེད་རང་ལ་མཇུག་འབྲས་ལྡོག་ལེན་བྱེད་ཆེད། ང་ཚོས་ཁྱེད་ཀྱི་ཁ་པར་ཨང་གྲངས་སམ་ཡིག་སྒམ་གྱི་གནས་ཡུལ་བསྡུ་རུབ་བྱེད་དགོས།
G. བརྡ་ཁྱབ་དང་ཚོང་གཉེར།
ཁྱེད་རང་ལ་དེ་བས་ལེགས་པའི་སྒོ་ནས་འོས་སྦྱོར་གྱི་ཞབས་ཞུ་མཁོ་འདོན་བྱེད་ཆེད། ང་ཚོས་རྒྱུད་ཁོངས་ནས་བརྡ་ཐོ་དང་། འཕྲིན་ཐུང་། ས་ཚིགས་ནང་གི་འཕྲིན་ཡིག གློག་རྡུལ་སྦྲག་རྫས་སོགས་ཀྱི་ཐབས་ལམ་བརྒྱུད་དེ་ལུགས་མཐུན་ངང་ཁྱེད་རང་ལ་བརྡ་ཁྱབ་ཀྱི་ཆ་འཕྲིན་དང་། སྟེགས་བུའི་གསར་ཤོས་ཀྱི་འབྲེལ་ཡོད་དོ་དམ། ཚོང་ཟོག་གི་ཆ་འཕྲིན་དང་དེ་མིན་དགོས་ངེས་ཀྱི་ཐོ་འགོད་སྤྱོད་མཁན་གྱི་ཞབས་ཞུ་བརྡ་ཐོ་ཤེས་སུ་འཇུག་ངེས། ཁྱེད་རང་ལ་དེ་བས་སྤུས་ལེགས་ཀྱི་སྤྱོད་མཁན་ཉམས་ལེན་མཁོ་འདོན་བྱེད་ཆེད། ང་ཚོས་ཁྱེད་ཀྱི་ཧྭ་ཝེའི་རྩིས་ཐོའི་ཆ་འཕྲིན་དང་། ཉོ་ཚོང་ཆ་འཕྲིན།དོ་སྣང་བྱས་པའི་ཆ་འཕྲིན་དང་ང་ཚོས་རང་འགུལ་ངང་འཚོལ་བསྡུ་བྱས་པའི་སྤྱོད་མཁན་མི་སྒེར་གྱི་ཆ་འཕྲིན་(གསལ་བསྒྲགས་འདིའི་ལེའུ་1.2པར་གསལ།)དང་འབྲེལ་ནས་གཞི་གྲངས་དབྱེ་ཞིབ་བྱས་ཏེ་ཁྱེད་རང་ལ་དགའ་པོ་བྱེད་པའི་ཚོང་ཟོག་གམ་ཞབས་ཞུ་འགྲེམ་སྟོན་བྱེད་པར་སྤྱོད་ཀྱི་ཡོད། གལ་ཏེ་ཁྱེད་ལ་བརྡ་ཁྱབ་འབྱོར་མི་འདོད་ན། ཁྱེད་ཀྱིས་གསལ་བསྒྲགས་འདིའི་ས་བཅད་3.6པའི་ཞིབ་བརྗོད་ལྟར་འབྲེལ་ཡོད་རྩོལ་ནུས་སྒོ་རྒྱག་ཆོག
H. སྤྱོད་པ་པོའི་ཉམས་ལེན་མཐོ་རུ་གཏོང་བའི་ཞབས་ཞུ།
ཁྱེད་ཀྱི་ཧྭ་ཝེ་ཁྲོམ་རའི་ཉེར་སྤྱོད་བེད་སྤྱོད་གཏོང་སྐབས། ང་ཚོས་ཁྱེད་ཀྱི་དྲ་བའི་ཆ་འཕྲིན་དང་རྒྱུད་ཁོངས་གི་ཉིན་ཐོའི་ཆ་འཕྲིན་བསྡུ་རུབ་བྱས་ནས་ཧྭ་ཝེ་ཁྲོམ་རའི་བེད་སྤྱོད་གཏོང་མཁན་གྱི་ཉམས་ལེན་མཐོ་རུ་གཏོང་རྒྱུར་སྤྱོད་ཀྱི་ཡོད།
1.2 ཁྱེད་རང་ལ་ཐོན་རྫས་དང་/ཡང་ན་ཞབས་ཞུ་མཁོ་འདོན་བྱེད་པའི་ཁྲོད་ང་ཚོས་རང་འགུལ་ངང་མི་སྒེར་གྱི་ཆ་འཕྲིན་བསྡུ་རུབ་དང་བཀོལ་སྤྱོད་བྱེད།
བཅའ་ཁྲིམས་ཁྲིམས་སྲོལ་དང་ཞབས་ཞུ་འདོན་སྤྲོད་བྱེད་པའི་གཞི་རྩའི་བླང་བྱ་སྐོང་ཆེད། ཁྱེད་ཀྱི་རྩིས་ཨང་གི་བདེ་འཇགས་དང་རྒྱུད་ཁོངས་འཁོར་སྐྱོད་བདེ་འཇགས་འགན་ལེན། ཉ་འཛིན་དྲ་ཚིགས་ཀྱི་མགོ་སྐོར་དེ་བས་གནད་ལ་འཁེལ་བའི་སྒོ་ནས་སྔོན་འགོག་བྱེད་ཆེད། ང་ཚོས་ཁྱེད་ཀྱིས་ཧྭ་ཝེ་ཁྲོམ་རའི་ཞབས་ཞུ་བེད་སྤྱོད་བྱེད་པའི་བརྒྱུད་རིམ་ནང་བྱུང་བའི་འབྲེལ་ཡོད་ཆ་འཕྲིན་བསྡུ་རུབ་བྱས་ཏེ་ཁྱེད་ཀྱི་རྩིས་ཨང་གི་ཉེན་ཁ་ལ་བརྡར་གཅོད་དང་ཧྭ་ཝེ་ཁྲོམ་རས་ཁྱེད་རང་ལ་རྒྱུན་གཏན་ལྟར་ཞབས་ཞུ་མཁོ་འདོན་བྱེད་རྒྱུ་འགན་ལེན་བྱེད་པ་དང་དེ་བཞིན་བཞུར་ཚད་བསྡོམས་རྩིས་དང་རྒྱུན་ལྡན་མིན་པའི་ཆ་འཕྲིན་གྲལ་བཤེར་སོགས་ཀྱི་བཀོལ་སྤྱོད་བྱེད་ཀྱི་ཡོད། ཆ་འཕྲིན་འདི་དག་ནང་དུ་གཤམ་གསལ་ཚུད་ཡོད།
A. དྲ་བའི་ཆ་འཕྲིན་ནི།
ཁྱེད་ཀྱིས་ང་ཚོས་ཁྱེད་རང་ལ་མཁོ་འདོན་བྱས་པའི་ཧྭ་ཝེ་ཁྲོམ་རའི་ཐོན་རྫས་དང་ཡང་ན་ཞབས་ཞུ་བེད་སྤྱོད་གཏོང་སྐབས། ང་ཚོས་རང་འགུལ་ངང་ཧྭ་ཝེ་ཁྲོམ་རའི་ཐོན་རྫས་དང་/ཡང་ན་ཞབས་ཞུའི་འཁོར་སྐྱོད་ཚོང་ཆ་འཕྲིན་དང་དྲ་བའི་ཆ་འཕྲིན་བསྡུ་རུབ་བྱེད་ཀྱི་ཡོད།
B. སྒྲིག་ཆས་ཀྱི་ཆ་འཕྲིན་ནི།
ཁྱེད་ཀྱིས་ཧྭ་ཝེ་ཁྲོམ་རའི་ཐོན་རྫས་དང་ཡང་ན་ཞབས་ཞུ་བེད་སྤྱོད་བྱེད་པའི་བརྒྱུད་རིམ་ཁྲོད། ང་ཚོས་ཕལ་ཆེར་ཁྱེད་ཀྱི་མཉེན་ཆས་སྒྲིག་སྦྱོར་དང་བེད་སྤྱོད་བྱེད་པའི་ཁྲོད་ཀྱི་ཞིབ་ཕྲའི་དབང་ཚད་ལ་གཞིགས་ནས་ཁྱེད་ཀྱི་འབྲེལ་ཡོད་སྒྲིག་ཆས་ཀྱི་ཆ་འཕྲིན་བསྡུ་ལེན་དང་ཟིན་ཐོར་འགོད་པ་དང་། དེའི་ནང་སྒྲིག་ཆས་ཀྱི་གསལ་བྱེད་རྟགས་དང་སྒྲིག་ཆས་སྤྱོད་མཁན་གྱི་གཅེས་མིང་དང་བཀོལ་སྤྱོད་མ་ལག་གི་སྒྲིག་བཀོད་ཆ་འཕྲིན། ཁྱེད་ཀྱིས་ཧྭ་ཝེ་ཁྲོམ་རའི་ཉེར་སྤྱོད་བེད་སྤྱོད་སྐབས། ང་ཚོས་ད་དུང་སྒྲིག་ཆས་ཀྱི་མཁྲེགས་ཆས་ཆ་འཕྲིན་དང་ཉེར་སྤྱོད་ཀྱི་གཞི་རྩའི་ཆ་འཕྲིན་བསྡུ་རུབ་བྱེད་ཀྱི་ཡོད།
C. འཚོལ་བཤེར་ཟིན་ཐོ།
ཁྱེད་ཀྱིས་ཧྭ་ཝེ་ཁྲོམ་རས་མཁོ་འདོན་བྱས་པའི་བཤེར་འཚོལ་ཞབས་ཞུ་བེད་སྤྱོད་གཏོང་སྐབས། ང་ཚོས་ཁྱེད་ཀྱི་བཤེར་འཚོལ་ཟིན་ཐོ་བསྡུ་རུབ་བྱེད་ཀྱི་ཡོད་དེ་ལྟར་བྱས་ན་ཁྱེད་ཀྱིས་མུ་མཐུད་འཚོལ་ཞིབ་བྱེད་སྐབས་ཡང་བསྐྱར་ནང་འཇུག་བྱེད་དགོས་ཀྱི་མེད། ཁྱེད་ཀྱིས་རང་ཚུགས་ཀྱིས་གོང་གི་འཚོལ་བཤེར་ཟིན་ཐོ་སུབ་ཆོག
D. མིག་བཤར་གྱི་ཟིན་ཐོ།
ཁྱེད་ཀྱི་ཧྭ་ཝེ་ཁྲོམ་ར་ལ་མིག་བཤར་བྱེད་སྐབས། ང་ཚོས་ཁྱེད་ཀྱི་མིག་བཤར་ཆ་འཕྲིན་དང་རྡེབ་པའི་ཟིན་ཐོ་བསྡུ་རུབ་བྱེད་ཀྱི་རེད། ཆ་འཕྲིན་འདི་རིགས་བསྡུ་རུབ་བྱེད་པ་ནི་ལས་སྟེགས་ཀྱི་རྩོལ་ནུས་ལེགས་སུ་གཏོང་ཆེད་དང་། ཁྱེད་རང་ལ་དེ་བས་ལེགས་པའི་ཉམས་ལེན་དང་ཞབས་ཞུ་མཁོ་འདོན་བྱ་རྒྱུ་ཡིན།
E. གནས་ཡུལ་གྱི་ཆ་འཕྲིན།
ཁྱེད་ཀྱིས་ཧྭ་ཝེ་ཁྲོམ་རའི་ཉེར་སྤྱོད་ཡང་ན་གོ་རིམ་ཆུང་ངུ་བརྒྱུད་དེ་ང་ཚོའི་ཐོན་རྫས་དང་ཡང་ན་ཞབས་ཞུ་བེད་སྤྱོད་བྱེད་པའི་བརྒྱུད་རིམ་ནང་ཁྱེད་ཀྱིས་མགྱོགས་མྱུར་ངང་ཟོག་ལེན་གནས་ཡུལ་ནང་འཇུག་བྱེད་པའམ་ཡང་ན་ཁྱེད་རང་ལ་མགྱོགས་མྱུར་ངང་མཐའ་འཁོར་སྐུད་འོག་ཚོང་ཁང་འདྲི་རྩད་བྱེད་རྒྱུའི་ཆེད་ང་ཚོས་ཁྱེད་ཀྱི་མོས་མཐུན་གསལ་པོ་ཐོབ་རྗེས་ལྡེམ་ཁུང་རྣམ་པའི་ཐོག་ནས་མགྱོགས་མྱུར་ངང་ཁྱེད་ཀྱི་གནད་འཁེལ་ས་གནས་ཀྱི་ཆ་འཕྲིན་བསྡུ་རུབ་བྱེད་འོན་ཀྱང་ང་ཚོས་གནས་ཡུལ་གྱི་ཆ་འཕྲིན་ཧྭ་ཝེའི་ཞབས་ཞུ་ཆས་སུ་སྐུར་མི་སྲིད། གལ་ཏེ་ཁྱེད་ཀྱིས་དེ་རིགས་ཀྱི་ཆ་འཕྲིན་མཁོ་འདོན་མ་བྱས་ཚེ། ང་ཚོས་ཁྱེད་རང་ལ་དེ་མཚུངས་ཀྱི་རྩོལ་ནུས་རིགས་མཁོ་འདོན་བྱེད་ཐབས་བྲལ།
F. མངག་ཐོའི་ཆ་འཕྲིན་མཁོ་སྤྲོད་བྱེད་པ།
ཁྱེད་ཀྱིས་ཧྭ་ཝེ་ཁྲོམ་ར་རུ་ཚོང་ཟོག་ཉོ་སྐབས། ང་ཚོས་ཁྱེད་ཀྱི་མངག་ཐོའི་རྟགས། ཟོག་དབོར་ཨང་རྟགས། ཟོག་འདྲེན་ཐོ་ཨང་རྟགས། དངུལ་སྤྲོད་རྩིས་ཐོའི་ཨང་གྲངས་དང་ཧྭ་ཝེའི་ཐོ་ཨང་ངོ་རྟགས་བཅས་བསྡུ་རུབ་བྱས་ནས་ཁྱེད་རང་ལ་ཚོང་ཟོག་དང་དེ་བཞིན་བཙོངས་རྗེས་ཀྱི་ཞབས་ཞུ་བསྐུར་བདེ་ཡོང་ཆེད་ཡིན།
1.3 ང་ཚོས་ཕྱོགས་གསུམ་པའི་ཞབས་ཞུའི་འདོན་སྤྲོད་ཚོང་པ་ནས་ཁྱེད་ཀྱི་མི་སྒེར་གྱི་ཆ་འཕྲིན་ལེན་པ།
ང་ཚོས་ཕལ་ཆེར་ཁྱེད་ཀྱི་ཆོག་མཆན་གྱི་ཁྱབ་ཁོངས་ནང་ནས་ཕྱོགས་གསུམ་པ་(ང་ཚོའི་མཉམ་ལས་ཕྱོགས།)ནས་ཁྱེད་ཀྱི་མི་སྒེར་གྱི་ཆ་འཕྲིན་བསྡུ་རུབ་དང་བེད་སྤྱོད་བྱེད་སྲིད། ང་ཚོས་ཁག་ཐེག་ནན་ཏན་གྱིས་ཕྱོགས་གསུམ་པ་དང་བཞག་པའི་གན་རྒྱ་དང་དེ་བཞིན་འབྲེལ་ཡོད་བཅའ་ཁྲིམས་ཀྱི་གཏན་འཁེལ་གཏན་འབེབས་ལྟར་ཁྱེད་ཀྱི་མི་སྒེར་གྱི་ཆ་འཕྲིན་ཐག་གཅོད་བྱེད་པ་དང་ཆབས་ཅིག་ཁྱེད་ཀྱིས་ཕྱོགས་གསུམ་པ་དེའི་གསང་བའི་སྲིད་ཇུས་དང་དེ་བཞིན་སྤྱོད་མཁན་གྱི་གྲོས་མཐུན་ཞིབ་ཕྲ་ལྟ་ཀློག་བྱེད་རོགས། གལ་ཏེ་ཁྱེད་ཀྱིས་ཕྱོགས་གསུམ་པས་ཞབས་ཞུ་འདོན་སྤྲོད་བྱེད་སྐབས་ཁྱེད་ཀྱི་མི་སྒེར་གྱི་ཆ་འཕྲིན་བསྡུ་རུབ་དང་བེད་སྤྱོད་པའམ་ཡང་ན་བརྒྱུད་སྐུར་བྱེད་པ་དང་ལེན་མ་བྱས་ན་ཁྱེད་ཀྱིས་ཧྭ་ཝེ་ཁྲོམ་རའི་དེ་མཚུངས་ཞབས་ཞུ་བེད་སྤྱོད་བྱེད་ཐབས་བྲལ་སྲིད།
ཕྱོགས་གསུམ་པའི་ཐོ་འཇུག ཁྱེད་ཀྱིས་དབང་ཆ་སྤྲད་པའི་ཕྱོགས་གསུམ་པའི་རྩིས་ཐོའི་ཨང་གྲངས་(དཔེར་ན་སྐད་འཕྲིན།/ QQ /དངུལ་སྤྲོད་ནོར་བུ།)བེད་སྤྱད་ནས་ཧྭ་ཝེའི་ཐོ་ཨང་ཐོ་འཇུག་བྱེད་སྐབས། ང་ཚོས་ཁྱེད་ཀྱི་མོས་མཐུན་ཐོབ་རྗེས་ཕྱོགས་གསུམ་པའི་ཞབས་ཞུ་མཁོ་སྤྲོད་ཚོང་པ་ལས་ཁྱེད་ཀྱི་མི་སྒེར་ཆ་འཕྲིན་ལེན་སྲིད། གལ་ཏེ་ཁྱེད་རང་ཕྱོགས་གསུམ་པའི་རྩིས་ཨང་བེད་སྤྱད་ནས་ཧྭ་ཝེའི་རྩིས་ཨང་ཐོ་འཇུག་བྱེད་པའི་གཞི་གྲངས་བྱེད་པོའི་ཁེ་དབང་སོགས་ཀྱི་ཞིབ་ཕྲའི་ཆ་འཕྲིན་ལ་རྒྱུས་ལོན་དེ་བས་མང་བ་བྱེད་འདོད་ཚེ། ཧ་ཝེའི་རྩིས་ཨང་གི་སྤྱོད་མཁན་གྲོས་མཐུན་དང་ཧ་ཝེའི་རྩིས་ཨང་དང་སྒེར་གསང་གྱི་གསལ་བསྒྲགས་སྐོར་(https://hwid1.vmall.com/AMW/portal/agreements/accPrivacyStatement/zh-cn_accPrivacyStatement.html)ལ་ཀློག་རོགས་གནང་།
1.4 དབང་སྤྲོད་ཀྱི་མོས་མཐུན་ཐོབ་པ་ཕུད།
འབྲེལ་ཡོད་བཅའ་ཁྲིམས་དང་ཁྲིམས་སྲོལ་གྱི་གཏན་འབེབས་ལྟར། གཤམ་གྱི་གནས་ཚུལ་ཁྲོད་དུ། ང་ཚོས་ཁྱེད་ཀྱིས་དབང་ཆ་གནང་བ་དང་མོས་མཐུན་མ་ཐོབ་པའི་གནས་ཚུལ་འོག་མི་སྒེར་གྱི་ཆ་འཕྲིན་དགོས་ངེས་འགའ་བསྡུ་རུབ་དང་བཀོལ་སྤྱོད་བྱས་ཆོག
A. ང་ཚོས་བཅའ་ཁྲིམས་དང་ཁྲིམས་སྲོལ་གྱི་གཏན་འབེབས་བྱས་པའི་འོས་འགན་དང་འབྲེལ་བ་ཡོད་པ།
B. རྒྱལ་ཁབ་ཀྱི་བདེ་འཇགས་དང་། རྒྱལ་སྲུང་གི་བདེ་འཇགས་དང་ཐད་ཀར་འབྲེལ་བ་ཡོད་པ།
C. སྤྱི་པའི་བདེ་འཇགས་དང་། སྤྱི་པའི་འཕྲོད་བསྟེན། གལ་ཆེའི་སྤྱི་པའི་ཁེ་ཕན་དང་ཐད་ཀར་འབྲེལ་བ་ཡོད་པ།
D. ཉེས་གསོག་མྱུལ་ཞིབ་དང་། ཞུ་གཏུག འདྲི་གཅོད། ཁྲིམས་གཅོད་ལས་སྒྲུབ་སོགས་དང་ཐད་ཀར་འབྲེལ་བ་ཡོད་པ།
E. མི་སྒེར་གྱི་ཆ་འཕྲིན་གཙོ་བོའམ། དེ་མིན་གྱི་མི་སྒེར་གྱི་ཚེ་སྲོག་དང་རྒྱུ་ནོར་སོགས་གལ་ཆེའི་ཁྲིམས་མཐུན་དབང་སྲུང་སྐྱོང་བྱ་རྒྱུར་དམིགས་རུང་མི་སྒེར་གྱི་མོས་མཐུན་ཐོབ་རྒྱུར་དཀའ་ངལ་ཆེན་པོ་ཡོད་པ།
F. འབྲེལ་ཡོད་ཀྱི་མི་སྒེར་གྱི་ཆ་འཕྲིན་ནི་རང་ངོས་ཀྱིས་སྤྱི་ཚོགས་ལ་ཡོངས་བསྒྲགས་བྱས་པ།
G. ཁྱེད་རང་དང་ང་ཚོས་གན་རྒྱ་འཇོག་པ་དང་ལག་བསྟར་བྱེད་པར་དགོས་ངེས་ཡིན་པ།
H. ཁྲིམས་མཐུན་ཐོག་ཡོངས་བསྒྲགས་ཕྱིར་འགྱར་བྱས་པའི་ཆ་འཕྲིན་ནང་བསྡུ་རུབ་བྱས་པའི་སྐུ་ཉིད་ཀྱི་མི་སྒེར་གྱི་ཆ་འཕྲིན། དཔེར་ན་ཁྲིམས་མཐུན་གྱི་གསར་འགྱུར་འགོད་སྤེལ་བྱས་པ། སྲིད་གཞུང་གིས་ཆ་འཕྲིན་ཡོངས་བསྒྲགས་བྱས་པ་ལས་ཐོབ་པ།
I. ང་ཚོའི་ཐོན་རྫས་སམ་ཡང་ན་ཞབས་ཞུའི་བདེ་འཇགས་བརྟན་ལྷིང་འཁོར་རྒྱུག་བྱ་རྒྱུར་སྲུང་སྐྱོང་བྱ་རྒྱུའི་དགོས་ངེས་ཡིན་པ། དཔེར་ན། ཐོན་རྫས་དང་ཞབས་ཞུའི་ལས་འཛོལ་ཤེས་རྟོགས་དང་ཐག་གཅོད་བྱ་རྒྱུ།
J. ཁྲིམས་ལུགས་ཁྲིམས་སྲོལ་ནང་གཏན་འབེབས་བྱས་པའི་དེ་མིན་གྱི་རྣམ་པ།
2. ཁྱེད་ཀྱི་མི་སྒེར་གྱི་ཆ་འཕྲིན་ཇི་ལྟར་བྱས་ནས་མཉམ་སྤྱོད། ནང་བཤུག་གཏོང་བ། ཡོངས་བསྒྲགས་ཕྱིར་འགྱར་བྱེད་ཀྱི་ཡོད་པ།
2.1 ཁྱེད་ཀྱི་ཆ་འཕྲིན་མཉམ་སྤྱོད་བྱེད་པ།
ང་ཚོས་ཀུང་སི་གང་རུང་དང་། རྩ་འཛུགས། མི་སྒེར་གང་རུང་ལ་མི་སྒེར་གྱི་ཆ་འཕྲིན་ནང་བཤུག་གཏོང་མི་སྲིད། གཤམ་གྱི་གནས་ཚུལ་ཕུད།
A. སྔོན་ལ་ཁྱེད་ཀྱི་དབང་སྤྲོད་དམ་ཡང་ན་མོས་མཐུན་ཁ་གསལ་ཐོབ་རྗེས། ང་ཚོས་ཕྱོགས་གཞན་པ་དང་ཁྱེད་ཀྱི་མི་སྒེར་གྱི་ཆ་འཕྲིན་མཉམ་སྤྱོད་བྱེད།
B. ཁྲིམས་བཀོད་གནས་ཚུལ་འོག་གི་མཉམ་སྤྱོད་ནི། སྤྱད་འཐུས་པའི་བཅའ་ཁྲིམས་དང་ཁྲིམས་སྲོལ། བཅའ་ཁྲིམས་ཀྱི་གོ་རིམ། གཏུག་བཤེར།/འདུམ་གཅོད་དང་སྲིད་གཞུང་གི་བཙན་ཤེད་བཀའ་རྒྱ། ལྟ་སྐུལ་དོ་དམ་གྱི་རེ་བ་བཅས་ལ་གཞིགས་ནས་ཁྱེད་ཀྱི་མི་སྒེར་གྱི་ཆ་འཕྲིན་མཉམ་སྤྱོད་བྱ་དགོས།
C. བཅའ་ཁྲིམས་ཀྱི་རེ་བ་ཡང་ན་ཁས་བླངས་པའི་ཁྱབ་ཁོངས་ནང་། ཁྱེད་རང་དང་སྤྱི་ཚོགས་ཀྱི་སྤྱི་དམངས་ཀྱི་ཁེ་ཕན། རྒྱུ་ནོར་རམ་ཡང་ན་བདེ་འཇགས་ལ་གནོད་འཚེ་མི་ཕོག་པའི་ཆེད་དུ་ཁྱེད་ཀྱི་མི་སྒེར་གྱི་ཆ་འཕྲིན་དེ་ཕྱོགས་གསུམ་པར་འདོན་སྤྲོད་བྱེད་དགོས་ངེས་ཡིན།(འཛད་སྤྱོད་པའི་ཁེ་དབང་སྲུང་སྐྱོང་སྡེ་ཁག་སོགས་ཚུད་པའི་ལས་རིགས་རྩ་འཛུགས།)
D. རྒྱལ་ཁབ་ཀྱི་བདེ་འཇགས་དང་སྤྱི་པའི་བདེ་འཇགས་དེ་མིན་ཁྱེད་དང་མི་གཞན་པའི་ཁྲིམས་མཐུན་གྱི་ཁེ་དབང་གལ་ཆེན་ལ་སྲུང་སྐྱོབ་བྱེད་ཆེད་ཁྱེད་ཀྱི་མི་སྒེར་གྱི་ཆ་འཕྲིན་མཉམ་སྤྱོད་བྱེད་དགོས།
E. ཁྱེད་ཀྱིས་རང་འགུལ་ངང་ཡོངས་བསྒྲགས་བྱས་པའམ་ཡང་ན་ང་ཚོས་ཁྲིམས་མཐུན་གྱི་ཡོངས་བསྒྲགས་ཐབས་ལམ་གཞན་དག་བརྒྱུད་དེ་ཁྱེད་ཀྱི་མི་སྒེར་གྱི་ཆ་འཕྲིན།
F. ང་ཚོའི་འབྲེལ་ཡོད་ཀུང་སི་དང་མཉམ་སྤྱོད་བྱ་སྟེ། ཁྱེད་ཀྱི་མི་སྒེར་གྱི་ཆ་འཕྲིན་ཕལ་ཆེར་ང་ཚོའི་འབྲེལ་ཡོད་ཀུང་སི་དང་མཉམ་སྤྱོད་བྱེད་སྲིད། ང་ཚོས་མི་སྒེར་གྱི་དགོས་ངེས་ཀྱི་ཆ་འཕྲིན་མཉམ་སྤྱོད་བྱེད་དགོས་པ་མ་ཟད།མཉམ་སྤྱོད་དེ་འདྲ་གསལ་བསྒྲགས་འདིའི་དམིགས་ཡུལ་གྱི་ཚོད་འཛིན་བྱེད། འབྲེལ་ཡོད་ཀུང་སིས་མི་སྒེར་གྱི་ཆ་འཕྲིན་ཐག་གཅོད་བྱེད་པའི་དམིགས་ཡུལ་ལ་འགྱུར་ལྡོག་གཏོང་དགོས་ཚེ། ཡང་བསྐྱར་ཁྱེད་ཀྱི་དབང་ཆ་སྤྲད་པའི་མོས་མཐུན་བསྡུ་ལེན་བྱེད་ཀྱི་རེད། མ་ཟད། བརྡ་འཕྲིན་དེ་འབྲེལ་ཡོད་ཀུང་སི་ལ་འདོན་སྤྲོད་མ་བྱས་སྔོན་དུ། ང་ཚོས་ཚོང་ལས་སྟེང་གི་ལུགས་མཐུན་གྱི་འབད་བརྩོན་གྱིས་འབྲེལ་ཀུང་སི་དེའི་བསྡུ་རུབ་ཆ་འཕྲིན་གྱི་ཁྲིམས་མཐུན་རང་བཞིན་དང་ལུགས་མཐུན་རང་བཞིན།དགོས་ངེས་རང་བཞིན་བཅས་ལ་དཔྱད་དཔག་བྱ་རྒྱུ་ཡིན། ང་ཚོས་ནུས་ཤུགས་ཡོད་རྒུས་འབྲེལ་ཡོད་ཀུང་སིས་ཁྱེད་རང་གི་ཆ་འཕྲིན་ལ་སྲུང་སྐྱོབ་བྱ་ཐབས་གཅོད་པའི་རེ་ཞུ་བྱེད།
G. མཉམ་ལས་བྱེད་མཁན་དང་མཉམ་སྤྱོད་བྱེད་པ། ཁྱེད་ལ་དེ་བས་འཐུས་ཚང་དང་སྤུས་ལེགས་ཀྱི་ཐོན་རྫས་དང་ཞབས་ཞུ་མཁོ་འདོན་བྱེད་ཆེད། ཧྭ་ཝེ་ཁྲོམ་རའི་ཞབས་ཞུ་འགའ་ཞིག་མཉམ་ལས་བྱེད་མཁན་གྱིས་མཁོ་འདོན་བྱེད་ཀྱི་ཡོད། དེར་བརྟེན་ང་ཚོས་མཉམ་ལས་བྱེད་མཁན་ཕྱོགས་དང་ཁྱེད་ཀྱི་མི་སྒེར་གྱི་ཆ་འཕྲིན་འགའ་ཞིག་མཉམ་སྤྱོད་བྱེད་སྲིད། ང་ཚོས་ཁྲིམས་མཐུན། གཞུང་དྲང་། དགོས་ངེས། དམིགས་བསལ་གཏན་འཁེལ། གསལ་སྟོན་བཅས་ཀྱི་དམིགས་ཡུལ་བྱས་ནས་སྐུ་ཉིད་ཀྱི་མི་སྒེར་ཆ་འཕྲིན་མཉམ་སྤྱོད་བྱེད་པ་དང་། ཁྱེད་ལ་ཞབས་ཞུ་མཁོ་འདོན་བྱ་རྒྱུར་ཁོ་ནར་དགོས་ངེས་ཀྱི་མི་སྒེར་ཆ་འཕྲིན་མཉམ་སྤྱོད་བྱེད་སྲིད། དུས་མཚུངས་སུ། ང་ཚོས་མཉམ་ལས་བྱེད་མཁན་དང་གསང་སྲུང་གྲོས་མཐུན་ནན་པོར་མིང་རྟགས་བཀོད་པ་དང་། ཁོ་ཚོས་ང་ཚོའི་གསལ་བཤད་དང་། གསལ་བསྒྲགས་འདི་དེ་བཞིན་འབྲེལ་ཡོད་ཀྱི་གསང་སྲུང་གྲོས་མཐུན་གཞན་དག་གང་རུང་ལ་ནན་པོར་གཞིགས་ནས་བདེ་འཇགས་བྱ་ཐབས་སྤྱད་དེ་ཁྱེད་ཀྱི་མི་སྒེར་གྱི་ཆ་འཕྲིན་ཐག་གཅོད་བྱེད་ཀྱི་ཡོད། ང་ཚོས་ང་ཚོའི་མཉམ་ལས་ཕྱོགས་ལ་མི་སྒེར་གྱི་ཆ་འཕྲིན་དེ་སྤྱོད་སྒོ་གཞན་གང་རུང་དུ་མཉམ་སྤྱོད་བྱེད་མི་ཆོག་པའི་རེ་བ་འདོན་སྲིད། མཉམ་ལས་ཕྱོགས་ལ་རང་ཉིད་ཀྱི་གསང་བའི་སྲིད་ཇུས་དང་སྤྱོད་མཁན་གྱི་གྲོས་ཡིག་ཡོད་སྲིད། ང་ཚོས་ཁྱེད་ལ་ཕྱོགས་གསུམ་པའི་སྤྱོད་མཁན་གྱི་གྲོས་ཡིག་དེ་བཞིན་གསང་བའི་སྲིད་ཇུས་དཔེ་ཀློག་བྱ་རྒྱུ་དང་བརྩི་སྲུང་བྱ་རྒྱུའི་བསམ་འཆར་འདོན།
གལ་ཏེ་ཁྱེད་ཀྱིས་ང་ཚོའི་མཉམ་ལས་ཕྱོགས་ཀྱིས་ཞབས་ཞུ་འདོན་སྤྲོད་བྱེད་སྐབས་ཞབས་ཞུ་འདོན་སྤྲོད་བྱེད་པར་ངེས་པར་དུ་དགོས་པའི་མི་སྒེར་གྱི་ཆ་འཕྲིན་བསྡུ་རུབ་བྱེད་པར་དང་ལེན་མ་བྱས་ན། ཁྱེད་ཀྱིས་ཧྭ་ཝེ་ཁྲོམ་ར་བེད་སྤྱད་ནས་མཉམ་ལས་ཕྱོགས་དེ་བརྒྱུད་ནས་འདོན་སྤྲོད་བྱེད་པའི་ཞབས་ཞུ་བཀོལ་སྤྱོད་བྱེད་ཐབས་བྲལ་སྲིད།
མིག་སྔར་ང་ཚོའི་མཉམ་ལས་ཕྱོགས་ལ་གཤམ་གསལ་གྱི་རིགས་གྲས་ཚུད་ཡོད་དེ།
(1) ཚོང་ཟོག་གམ་ལག་རྩལ་ཞབས་ཞུའི་མཉམ་ལས་ཕྱོགས། ཁྱེད་ཀྱི་དབང་བསྐུར་ལྟར། ང་ཚོས་ཁྱེད་ཀྱི་མི་སྒེར་གྱི་ཆ་འཕྲིན་སྟེགས་བུའི་རྩོལ་ནུས་ལ་རྒྱབ་སྐྱོར་བྱེད་པའི་ཕྱོགས་གསུམ་པར་མཁོ་འདོན་བྱེད་སྲིད། རྒྱབ་སྐྱོར་འདི་དག་ལ་གཤམ་གསལ་ཚུད་ཡོད།
མཛོད་ཉར། དངོས་ཟོག་སྐྱེལ་འདྲེན། ཞབས་ཞུ་བཅས་དང་དེ་མིན་གྱི་ཞབས་ཞུ་གཞན་དག་འདོན་སྤྲོད་བྱེད་པའི་མཁོ་འདོན་ཚོང་པ། ཁྱེད་རང་ཧྭ་ཝེ་ཁྲོམ་ར་བརྒྱུད་ནས་ཅ་ལག་ཉོ་སྐབས། ང་ཚོས་ཁྱེད་ཀྱི་མི་སྒེར་གྱི་ཆ་འཕྲིན་མཁོ་འདོན་ཚོང་པ་དེ་དག་ལ་མཁོ་འདོན་བྱེད་སྲིད་ཅིང་། མཁོ་འདོན་ཚོང་པས་ཁྱེད་རང་ལ་ཟོག་འདྲེན་སྡེབ་སྐྱེལ་དང་། མངགས་ཐོ་འདྲི་རྩད། མངགས་ཐོའི་དངུལ་སྤྲོད། བཙོངས་རྗེས་ཀྱི་ཞབས་ཞུ། སྤྱོད་མཁན་གྱི་རྒྱབ་སྐྱོར།(དཔེར་ན་སྒྲིག་སྦྱོར་ཞབས་ཞུ་ལྟ་བུ།)འཛིན་ཤོག་ལེན་པ། མཉམ་ལས་རོགས་ཟླ་དང་རྩིས་ཁྲ་ཞིབ་བསྡུར། གཏོང་སྤྲོད་སྒྲིག་གཞིས་བརྟག་དཔྱད་ལན་སྤྲོད་པ། བྱ་དགའ་སྤྲོད་པ་སོགས་ཀྱི་ཞབས་ཞུ་མཁོ་འདོན་བྱེད་ཀྱི་ཡོད།
རྙིང་ཚབ་གསར་བརྗེའི་ཞབས་ཞུ་འདོན་སྤྲོད་བྱེད་པའི་མཉམ་ལས་ཕྱོགས་མཁོ་འདོན་བྱེད། ཁྱེད་ཀྱིས་ཧྭ་ཝེ་ཁྲོམ་རའི་རྙིང་ཚབ་གསར་བརྗེའི་ཞབས་ཞུ་བེད་སྤྱོད་གཏོང་སྐབས། ང་ཚོས་ཁྱེད་ཀྱི་ཧྭ་ཝེའི་རྩིས་ཐོའི་ཨང་གྲངས་ཀྱི་ཆ་འཕྲིན་དང་མངག་ཐོའི་ཨང་གྲངས་རྙིང་ཚབ་གསར་བརྗེའི་ཞབས་ཞུ་མཉམ་ལས་ཕྱོགས་ལ་མཉམ་སྤྱོད་བྱེད་དགོས་ཀྱི་ཡོད། གཞན་ཡང་མཉམ་ལས་ཕྱོགས་ཀྱིས་ཁྱེད་ཀྱི་རུས་མིང་དང་། ལག་ཐོགས་ཁ་པར་གྱི་ཨང་གྲངས།དངོས་ཟོག་རྩིས་ལེན་གྱི་ས་གནས་བཅས་བསྡུ་རུབ་བྱས་ནས་ཁྱེད་རང་ལ་དངོས་ཟོག་གི་རིན་གོང་ཚོད་རྩིས་དང་ཚུར་བསྡུའི་ཞབས་ཞུ་མཁོ་འདོན་བྱེད་ཆེད་ཡིན། ཁྱེད་ཀྱིས་མཉམ་ལས་ཕྱོགས་ཀྱི་གསང་དོན་དོན་ཚན་ལ་ཀློག་འདོན་གནང་རོགས།
ཐད་གཏོང་སྐུལ་རེས་ཞབས་ཞུའི་མཉམ་ལས་ཕྱོགས་མཁོ་འདོན་བྱེད། ཁྱེད་ཀྱིས་ཧྭ་ཝེ་ཁྲོམ་རའི་ཐད་གཏོང་སྐུལ་རེས་ཞབས་ཞུ་བེད་སྤྱོད་གཏོང་སྐབས། ང་ཚོས་ཁྱེད་ཀྱི་ཧྭ་ཝེའི་རྩིན་ཐོའི་ཨང་གྲངས་IDདང་། གཅེས་མིང་། དཔྱད་བརྗོད་ཆ་འཕྲིན་བཅས་ཐད་གཏོང་སྐུལ་རེས་ཞབས་ཞུའི་མཉམ་ལས་ཕྱོགས་ལ་མཉམ་སྤྱོད་བྱས་ནས་ཁྱེད་རང་ལ་ཐད་གཏོང་སྐུལ་རེས་ཞབས་ཞུ་མཁོ་འདོན་བྱེད་ཆེད་ཡིན།
(2) ཕྱོགས་གསུམ་པའི་ཚོང་པ། ང་ཚོས་ཕལ་ཆེར་ཁྱེད་ཀྱི་མངག་ཐོའི་ཆ་འཕྲིན་དང་དགོས་ངེས་ཀྱི་ཉོ་ཚོང་ཆ་འཕྲིན་སྟེགས་བུའི་ནང་གི་ཚོང་པར་མཉམ་སྤྱོད་བྱས་ནས་ཁྱེད་ཀྱི་ཚོང་ཟོག་གམ་ཞབས་ཞུ་ཉོ་སྒྲུབ་ཀྱི་དགོས་མཁོ་མངོན་འགྱུར་བྱེད་པ་དང་འབྲེལ་ཚོང་པས་ཚོང་ཟོག་ཕྱིར་ཚོང་དང་དེ་བཞིན་བཙོངས་རྗེས་ཀྱི་ཞབས་ཞུ་ལེགས་གྲུབ་ཐུབ་པར་སྐུལ་འདེད་བྱེད་ཀྱི་ཡོད།
(3)བརྡ་ཁྱབ་དང་། བརྟག་དཔྱད། དབྱེ་ཞིབ། བསྐྱར་འདྲི་སོགས་ཞབས་ཞུའི་རིགས་ཀྱི་མཉམ་ལས་ཕྱོགས། ང་ཚོས་ཁྱེད་ཀྱིས་དབང་བསྐུར་ལྟར། ཁྱེད་ཀྱི་མི་སྒེར་གྱི་ཆ་འཕྲིན་ཁྱེད་ལ་ཞབས་ཞུ་འདོན་སྤྲོད་བྱེད་པའི་གཤམ་གསལ་མཉམ་ལས་ཕྱོགས་ལ་མཁོ་འདོན་བྱེད།
ཁྱེད་རང་ལ་དེ་བས་སྤུས་ལེགས་ཀྱི་ཞབས་ཞུ་མཁོ་འདོན་བྱ་ཆེད། ང་ཚོས་ཁྱེད་ཀྱི་ཐོ་འགོད་ཆ་འཕྲིན་དང་། ཚོགས་མིའི་རིམ་པའི་ཆ་འཕྲིན། སྔོན་མངགས་ཆ་འཕྲིན། ཉོ་སྒྲུབ་ཆ་འཕྲིན་བཅས་ལ་གཞིགས་ཏེ་ཁྱེད་རང་ལ་སྤྲོ་བ་ཡོད་པའི་ཧྭ་ཝེའམ་ཡང་ན་ཧྭ་ཝེའི་དང་འབྲེལ་ཡོད་ཀྱི་ཚོང་ལས་བརྡ་ཁྱབ་འབུད་སྐྱེལ་བྱེད། ང་ཚོས་ཁྱེད་ཀྱི་མི་སྒེར་གྱི་ཆ་འཕྲིན་དེ་བརྡ་ཁྱབ་ཞབས་ཞུའི་མཉམ་ལས་རོགས་པར་མཁོ་འདོན་བྱེད་སྲིད།
ཧྭ་ཝེ་ཁྲོམ་རའི་སྤྱོད་མཁན་གྱི་བཀོལ་སྤྱོད་གནས་ཚུལ་ལ་དབྱེ་ཞིབ་དེ་བས་ལེགས་པ་བྱ་ཆེད། ང་ཚོས་གཞི་གྲངས་དབྱེ་ཞིབ་ཀྱི་ཞབས་ཞུ་འདོན་སྤྲོད་ཚོང་པར་ཧྭ་ཝེ་ཁྲོམ་རའི་སྤྱོད་མཁན་གྱི་གྲངས་ཚད། ས་གནས་ཁྱབ་ཚུལ། འཁྲུག་ཆ་དོད་པའི་གནས་ཚུལ་དེ་བཞིན་ཁྱེད་ཀྱི་IPགནས་ཡུལ་དང་། མིག་བཤར་གྱི་ཟིན་ཐོ། རྡེབ་པའི་ཟིན་ཐོ།སྒྲིག་ཆས་ཀྱི་ཆ་འཕྲིན། སྒྲིག་ཆས་ཀྱི་གསལ་བྱེད་རྟགས་བཅས་མཁོ་འདོན་བྱེད་ཀྱི་ཡོད།
ཧྭ་ཝེ་ཁྲོམ་རའི་ཞབས་ཞུའི་སྤུས་ཚད་ལེགས་སུ་གཏོང་ཆེད་དང་། ཁྱེད་ཀྱི་ཉོ་སྒྲུབ་ཉམས་ལེན་མཐོ་རུ་གཏོང་ཆེད། ང་ཚོས་ཕལ་ཆེར་བསྐྱར་འདྲི་ཞབས་ཞུའི་མཉམ་ལས་ཕྱོགས་ལ་ཁྱེད་རང་ལ་བསྐྱར་འདྲི་ཞབས་ཞུ་མཁོ་འདོན་བྱེད་པའི་མངག་བཅོལ་བྱེད། དེར་བརྟེན་ང་ཚོས་ཁྱེད་ཀྱི་མི་སྒེར་གྱི་ཆ་འཕྲིན་དེ་རིགས་འདོན་སྤྲོད་མཉམ་ལས་ཕྱོགས་ལ་མཁོ་འདོན་བྱེད།
2.2 ནང་བཤུག
ང་ཚོས་སྐུ་ཉིད་ཀྱི་མི་སྒེར་ཆ་འཕྲིན་ཀུང་སི་དང་། རྩ་འཛུགས་སམ་མི་སྒེར་གང་རུང་ལ་ནང་བཤུག་གཏོང་མི་སྲིད། གཤམ་གྱི་གནས་ཚུལ་བྱུང་བ་ཕུད།
A. སྐུ་ཉིད་ཀྱིས་མོས་མཐུན་ཁ་གསལ་ཐོབ་རྗེས་སུ།
B. སྤྱོད་གོ་ཆོད་པའི་བཅའ་ཁྲིམས་ཁྲིམས་སྲོལ་དང་། ལས་རིགས་ཀྱི་གཏན་འཁེལ། གཏན་འབེབས། བཅའ་ཁྲིམས་ཀྱི་གོ་རིམ་བླང་བྱ། གཏུག་བཤེར།/ཁྲུན་གཅོད། སྲིད་གཞུང་གི་བཙན་ཤེད་བཀའ་རྒྱ། ལྟ་སྐུལ་དོ་དམ་བླང་བྱ་བཅས་ལ་གཞིགས་ནས་ངེས་པར་དུ་འདོན་སྤྲོད་བྱ་དགོས་པ་དག
C. རྒྱལ་ཁབ་ཀྱི་བདེ་འཇགས་དང་སྤྱི་པའི་བདེ་འཇགས་དེ་མིན་ཁྱེད་དང་མི་གཞན་པའི་ཁྲིམས་མཐུན་གྱི་ཁེ་དབང་ལ་སྲུང་སྐྱོབ་བྱེད་ཆེད་ཁྱེད་ཀྱི་མི་སྒེར་གྱི་ཆ་འཕྲིན་ནང་བཤུག་བྱེད་དགོས།
D. ཁྱེད་ཀྱིས་རང་འགུལ་ངང་ཡོངས་བསྒྲགས་བྱས་པའམ་ཡང་ན་ང་ཚོས་ཁྲིམས་མཐུན་གྱི་ཡོངས་བསྒྲགས་ཐབས་ལམ་གཞན་དག་བརྒྱུད་དེ་ཁྱེད་ཀྱི་མི་སྒེར་གྱི་ཆ་འཕྲིན་ཐོབ་ཐུབ་པ།
གལ་སྲིད་ཟླ་སྒྲིལ་དང་ཉོ་སྒྲུབ། མ་རྩ་རྡིབ་ནས་རྩིས་ཁ་གསལ་རྒྱག་པ་བྱུང་སྐབས། མི་སྒེར་ཆ་འཕྲིན་ནང་བཤུག་གཏོང་རྒྱུ་དང་འབྲེལ་བ་ཡོད་སྲིད། གནས་ཚུལ་དེ་འདྲའི་འོག་ང་ཚོས་སྐུ་ཉིད་ཀྱི་མི་སྒེར་ཆ་འཕྲིན་ཡོད་པའི་ཀུང་སི་གསར་པའམ། རྩ་འཛུགས་བཅས་ལ་མུ་མཐུད་གསལ་བསྒྲགས་འདིའི་བཀག་རྒྱའི་ནུས་པ་ཐོན་གྱི་ཡོད། གལ་ཏེ་གསལ་བསྒྲགས་འདིའི་ནང་ཁ་དན་བྱས་པའི་མི་སྒེར་གྱི་ཆ་འཕྲིན་གྱི་བསྡུ་རུབ་དང་ཐག་གཅོད་བྱེད་སྟངས་ལ་འགྱུར་ལྡོག་གང་རུང་བྱུང་ཚེ། ཀུང་སི་དང་རྩ་འཛུགས་འདིས་ཡང་བསྐྱར་ཁྱེད་ལ་དབང་བསྐུར་མོས་མཐུན་བསྡུ་ལེན་བྱ་རྒྱུ་ཡིན།
2.3 ཡོངས་བསྒྲགས་ཕྱིར་འགྱར།
ཁྱེད་ཀྱི་མོས་མཐུན་གསལ་པོ་ཐོབ་ན་མ་གཏོགས། ང་ཚོས་ཁྱེད་ཀྱི་མི་སྒེར་གྱི་ཆ་འཕྲིན་ཕྱིར་འགྱར་མི་བྱེད།
ཁྲིམས་ལུགས་དང་། ཁྲིམས་ལུགས་ཀྱི་གོ་རིམ། གཏུག་བཤེར་རམ་ཡང་ན་སྲིད་གཞུང་གི་གཙོ་གཉེར་ཚན་པའི་བཙན་ཤེད་རང་བཞིན་གྱི་བླང་བྱའི་གནས་ཚུལ་ལ་གཞིགས་ནས་རྒྱལ་ཁབ་ཀྱི་བདེ་འཇགས་དང་། སྤྱི་པའི་བདེ་འཇགས། དེ་བཞིན་ཁྱེད་རང་དང་མི་གཞན་གྱི་ཁྲིམས་མཐུན་ཁེ་དབང་གལ་ཆེན་ལ་སྲུང་སྐྱོབ་བྱེད་ཆེད་ང་ཚོས་དབང་ཆ་ཡོད་པའི་ལས་ཁུངས་སམ་ཡང་ན་སྤྱི་དམངས་ལ་ཁྱེད་ཀྱི་མི་སྒེར་གྱི་ཆ་འཕྲིན་ཡོངས་བསྒྲགས་ཕྱིར་འགྱར་བྱེད་སྲིད། གོང་གསལ་གནས་ཚུལ་ཐོན་སྐབས་ང་ཚོས་ཁྱབ་བསྒྲགས་བྱ་རྒྱུའི་རེ་འདུན་ཞུ་མཁན་ཕྱོགས་ལ་ངེས་པར་དུ་དེ་མཚུངས་ཀྱི་ནུས་ལྡན་བཅའ་ཁྲིམས་ཡིག་ཆ་འདོན་དགོས་པའི་རེ་བ་འདོན་པ་མ་ཟད་ཁྱབ་བསྒྲགས་བྱས་པའི་ཆ་འཕྲིན་ལ་བཅའ་ཁྲིམས་དང་ལས་རིགས་ཀྱི་ཚད་གཞི་དང་མཐུན་པའི་བདེ་འཇགས་འགོག་སྲུང་བྱ་ཐབས་སྤྱོད་་པའི་མཁས་ལེན་བྱེད།
དྲན་སྐུལ། ཁྱེད་ཀྱིས་སྟེགས་བུ་འདིའི་ནང་དུ་ཕྱོགས་གསུམ་པའི་སྤྱི་ཚོགས་འབྲེལ་འདྲིས་དང་། གཏོང་སྤྲོད། ས་བཀྲ། བརྙན་ཟློས་མཉེན་ཆས་སམ་ཡང་ན་དངོས་མིང་ར་སྤྲོད་ཀྱི་ཞབས་ཞུ་སྤྱོད་སྐབས། ཕྱོགས་གསུམ་པའི་ཞབས་ཞུ་ཕྱོགས་ཀྱིས་ཁྱེད་ཀྱི་མི་སྒེར་གྱི་ཆ་འཕྲིན་བསྡུ་རུབ་བྱེད། ཁྱེད་ཀྱིས་གོང་བཀོད་ཕྱོགས་གསུམ་པའི་སྤྱོད་པ་པོའི་གྲོས་མཐུན་དང་སྒེར་གསང་སྲིད་ཇུས་ཀློག་རྒྱུར་དོ་སྣང་དང་བརྩི་སྲུང་བྱ་དགོས།
2.4 གཞན་དག
ཁྱེད་ཀྱིས་སྟེགས་བུ་འདིའི་ནང་དུ་ཕྱོགས་གསུམ་པའི་སྤྱི་ཚོགས་འབྲེལ་འདྲིས་དང་། གཏོང་སྤྲོད། ས་བཀྲ། བརྙན་ཟློས་མཉེན་ཆས་སམ་ཡང་ན་དངོས་མིང་ར་སྤྲོད་ཀྱི་ཞབས་ཞུ་སྤྱོད་སྐབས། ཕྱོགས་གསུམ་པའི་ཞབས་ཞུ་ཕྱོགས་ཀྱིས་གཙོ་ངོས་དང་SDK བརྒྱུད་ནས་ཁྱེད་ཀྱི་མི་སྒེར་གྱི་ཆ་འཕྲིན་བསྡུ་རུབ་བྱེད། ཁྱེད་ཀྱིས་གོང་བཀོད་ཕྱོགས་གསུམ་པའི་སྤྱོད་པ་པོའི་གྲོས་མཐུན་དང་སྒེར་གསང་སྲིད་ཇུས་ཀློག་རྒྱུར་དོ་སྣང་དང་བརྩི་སྲུང་བྱ་དགོས།
ཞིབ་ཕྲ་ནི་གཤམ་གྱི་SDKདང་འབྲེལ་ཡོད།
(1)ཁྱེད་ཀྱིས་མཉམ་སྤྱོད་སྤྱོད་པའི་སྐབས་སུ། དཔོད་ཆུང་མཉམ་སྤྱོད་ SDKདང་། QQམཉམ་སྤྱོད་SDK འཕྲིན་ཕྲན་མཉམ་སྤྱོད་SDKཡིས་ཁྱེད་ཀྱི་སྒྲིག་ཆས་ཀྱི་ཆ་འཕྲིན་དང་དྲ་བའི་ཆ་འཕྲིན་སོགས་བསྡུ་རུབ་བྱེད།
(2)ཁྱོད་ཀྱིས་གནས་ཡུལ་དབང་ཚད་ཁ་འབྱེད་སྐབས། ཀའོ་ཏེ་ས་ཁྲའི་ངེས་གནས་ SDK ཡིས་ཁྱེད་ཀྱི་སྒྲིག་ཆས་ཀྱི་ཆ་འཕྲིན་དང་། དྲ་བའི་ཆ་འཕྲིན། གནས་ཡུལ་ཆ་འཕྲིན་སོགས་ལ་བསྡུ་རུབ་བྱེད་སྲིད།
(3)ཁྱེད་ཀྱིས་དངུལ་སྤྲོད་ནོར་བུ་བེད་སྤྱད་ནས་དངུལ་སྤྲོད་སྐབས། མངའ་རིས་དངུལ་སྤྲོད་ཀྱིས་SDK ཡིས་ཁྱེད་ཀྱི་སྒྲིག་ཆས་ཀྱི་ཆ་འཕྲིན་དང་། དྲ་བའི་ཆ་འཕྲིན་བསྡུ་རུབ་བྱེད།
3. ཁྱེད་ཀྱི་མི་སྒེར་གྱི་ཆ་འཕྲིན་ལ་ཇི་ལྟར་དོ་དམ་བྱེད།
ཁྱེད་ཀྱིས་ཧྭ་ཝེ་ཁྲོམ་ར་སྤྱོད་རིང་དེ་ལས་སྟབས་བདེ་བའི་ངང་ནས་ཁྱེད་ཀྱི་མི་སྒེར་གྱི་ཆ་འཕྲིན་ལ་ལྟ་སྤྱོད་དང་དག་བཅོས། སུབ་པ་བཅས་བྱེད་ཆེད་དང་། དུས་མཚུངས་སུ་ཁྱེད་ཀྱི་མི་སྒེར་གྱི་ཆ་འཕྲིན་སྤྱོད་དབང་ཕྱིར་འཐེན་བྱེད་ཆོག་པའི་ཆེད། ང་ཚོས་ཧྭ་ཝེ་ཁྲོམ་རའི་ཁྲོད་ཁྱེད་ལ་དེ་དང་མཐུན་པའི་བཀོལ་སྤྱོད་ཀྱི་སྒྲིག་བཀོད་མཁོ་འདོན་བྱས་ཡོད། ཁྱེད་ཀྱིས་གཤམ་གསལ་མཛུབ་ཁྲིད་ལ་ཟུར་ལྟ་བྱས་ཏེ་བཀོལ་སྤྱོད་གནང་ཆོག་སྟེ།
3.1 མི་སྒེར་གྱི་ཆ་འཕྲིན་གྱི་འཚམས་འདྲི་དང་དག་བཅོས།
བཅའ་ཁྲིམས་དང་ཁྲིམས་སྲོལ་གྱི་གཏན་འཁེལ།གཏན་འབེབས་ཕུད་པའི་ཁྱེད་ལ་ག་དུས་ཡིན་ནའང་ཁྱེད་ཀྱི་མི་སྒེར་གྱི་ཆ་འཕྲིན་འཚམས་འདྲི་དང་དག་བཅོས་བྱེད་པ་དང་སུབ་པའི་དབང་ཆ་ཡོད། ཞིབ་ཕྲའི་ཁོངས་སུ།
ཁྱེད་ཀྱི་རྩིས་ཨང་གི་ཆ་འཕྲིན། དཔེར་ན་གློག་ཀླད་ལྟེ་གནས་སུ་ཁྱེད་ཀྱིས་ཧྭ་ཝེ་ཁྲོམ་རའི་གཙོ་ངོས་ནས་གཡས་སྟེང་ཟུར་གྱི་རྩིས་ཨང་གཅེས་མིང་ལ་རྡེབ་ནས།རྩིས་ཁྲ་ལྟེ་གནས་ནས་ཁྱེད་ཀྱི་རྩིས་ཨང་ཆ་འཕྲིན་ལ་འཚམས་འདྲིའམ་ཡང་ན་དག་གཅོས་བྱེད་ཆོག ཉེར་སྤྱོད་དང་ཕྲད་ཡོལ་པར་གཞིའི་ཞིབ་ཕྲའི་འགྲོ་ལམ་ནི་ངའི་ནས་སྒྲིག་འགོད་དེ་ནས་རྩིས་ཨང་ལྟེ་གནས་སུ་ཡིན།
ཁྱེད་ཀྱི་དངོས་ཟོག་ལེན་པའི་ཆ་འཕྲིན། དཔེར་ན་གློག་ཀླད་ལྟེ་གནས་སུ་ཁྱེད་ཀྱིས་ཧྭ་ཝེ་ཁྲོམ་རའི་གཙོ་ངོས་ནས་གཡས་སྟེང་ཟུར་གྱི་རྩིས་ཨང་ནས་གཅེས་མིང་ལ་རྡེབ་ནས། ངའི་ཁྲོམ་ར། དངོས་ཟོག་རྩིས་ལེན་གྱི་ས་གནས་དོ་དམ་ནས་ཁྱེད་ཀྱི་དངོས་ཟོག་ལེན་སའི་གནས་ཡུལ་ཆ་འཕྲིན་ལ་འཚམས་འདྲིའམ་ཡང་ན་དག་གཅོས་བྱེད་ཆོག(དངོས་ཟོག་རྩིས་ལེན་མཁན། ལག་ཁྱེར་ཁ་པར་ཨང་གྲངས་དང་དངོས་ཟོག་རྩིས་ལེན་གནས་ཡུལ།)ཉེར་སྤྱོད་དང་ཕྲད་ཡོལ་པར་གཞིའི་ཞིབ་ཕྲའི་འགྲོ་ལམ་ནི་ངའི་ནས་སྒྲིག་འགོད་དེ་ནས་དངོས་ཟོག་ལེན་སའི་གནས་ཡུལ་ཡིན། ཧྭ་ཝེ་ཁྲོམ་རའི་བྱ་རིམ་ཆུང་བའི་ཞིབ་ཕྲའི་འགྲོ་ལམ་ནི་ངའི་ནས་དངོས་ཟོག་རྩིས་ལེན་གནས་ཡུལ་རུ་ཡིན།
ཁྱེད་ཀྱི་མངག་ཐོའི་ཆ་འཕྲིན། དཔེར་ན་གློག་ཀླད་ལྟེ་གནས་སུ་ཁྱེད་ཀྱིས་ཧྭ་ཝེ་ཁྲོམ་རའི་གཙོ་ངོས་ནས་གཡས་སྟེང་ཟུར་གྱི་རྩིས་ཨང་གཅེས་མིང་ལ་རྡེབ་ནས། ངའི་ཁྲོམ་ར། ངའི་མངག་ཐོ་ནས་ཁྱེད་ཀྱི་མངག་ཐོའི་ཆ་འཕྲིན་ལ་འཚམས་འདྲི་བྱེད་ཆོག ཉེར་སྤྱོད། ཕྲད་ཡོལ་པར་གཞི་དང་བྱ་རིམ་ཆུང་བའི་ཞིབ་ཕྲའི་འགྲོ་ལམ་ནི་ངའི་ནས་ངའི་མངག་ཐོ་རུ་ཡིན།
ཁྱེད་ཀྱི་ཚོགས་མིའི་ཆ་འཕྲིན། དཔེར་ན་གློག་ཀླད་ལྟེ་གནས་སུ་ཁྱེད་ཀྱིས་ཧྭ་ཝེ་ཁྲོམ་རའི་གཙོ་ངོས་ནས་གཡས་སྟེང་ཟུར་གྱི་རྩིས་ཨང་གཅེས་མིང་ལ་རྡེབ་ནས། ངའི་ཁྲོམ་ར། ཚོགས་མིའི་ཁེ་དབང་ནས་ཁྱེད་ཀྱི་ཚོགས་མིའི་ཆ་འཕྲིན་ལ་འཚམས་འདྲི་བྱེད་ཆོག ཉེར་སྤྱོད་དང་ཕྲད་ཡོལ་པར་གཞིའི་ཁྱེད་ཀྱི་ཞིབ་ཕྲའི་འགྲོ་ལམ་ནི་ངའི་ནས་ཚོགས་མིའི་འཕྲིན་ལམ་རུ་ཡིན།
ཁྱེད་ཀྱི་འབྲེལ་ཡོད་བེད་སྤྱོད་ཀྱི་ཆ་འཕྲིན། དཔེར་ན་གློག་ཀླད་ལྟེ་གནས་སུ་ཁྱེད་ཀྱིས་ཧྭ་ཝེ་ཁྲོམ་རའི་གཙོ་ངོས་ནས་གཡས་སྟེང་ཟུར་གྱི་རྩིས་ཨང་གཅེས་མིང་ལ་རྡེབ་ནས། ངའི་ཁྲོམ་ར། ཉོ་སྒྲུབ་རྒྱབ་སྐྱོར་ནས་ཁྱེད་ཀྱི་དངོས་ཟོག་འབྱོར་བརྡ་དང་ཁ་ཆད་ཆ་འཕྲིན་རུ་འཚམས་འདྲི་བྱེད་ཆོག དཔེར་ན་ཉེར་སྤྱོད་དང་ཕྲད་ཡོལ་པར་གཞི་སྤྱད་ན། ཁྱེད་ཀྱིས་ངའི། ཁ་ཆད་ཟིན་ཐོ་ནས་ཁྱེད་ཀྱི་ཁ་ཆད་ཆ་འཕྲིན་ལ་འཚམས་འདྲི་བྱེད་ཆོག
3.2 མི་སྒེར་གྱི་ཆ་འཕྲིན་སུབ་པ།
ང་ཚོས་གཤམ་གྱི་བྱེད་ཐབས་ལ་བརྟེན་ནས་ཁྱེད་ལ་རོགས་བྱས་ཏེ་ཧྭ་ཝེ་ཁྲོམ་རའི་མི་སྒེར་གྱི་ཆ་འཕྲིན་སུབ་པ་ཡིན།
ཁྱེད་ཀྱི་རྩིས་ཨང་གི་ཆ་འཕྲིན། དཔེར་ན་གློག་ཀླད་ལྟེ་གནས་སུ་ཁྱེད་ཀྱིས་ཧྭ་ཝེ་ཁྲོམ་རའི་གཙོ་ངོས་ནས་གཡས་སྟེང་ཟུར་གྱི་རྩིས་ཨང་གཅེས་མིང་ལ་རྡེབ་ནས། རྩིས་ཁྲ་ལྟེ་གནས་སུ་ཁྱེད་ཀྱི་རྩིས་ཨང་གི་ཆ་འཕྲིན།་སུབ་ཆོག ཉེར་སྤྱོད་དང་ཕྲད་ཡོལ་པར་གཞིའི་ཞིབ་ཕྲའི་འགྲོ་ལམ་ནི་ངའི་ནས་སྒྲིག་འགོད་དེ་ནས་དྲ་གྲངས་ལྟེ་གནས་སུ་ཡིན།
ཁྱེད་ཀྱི་དངོས་ཟོག་ལེན་པའི་ཆ་འཕྲིན། དཔེར་ན་གློག་ཀླད་ལྟེ་གནས་སུ་ཁྱེད་ཀྱིས་ཧྭ་ཝེ་ཁྲོམ་རའི་གཙོ་ངོས་ནས་གཡས་སྟེང་ཟུར་གྱི་རྩིས་ཨང་གཅེས་མིང་ལ་རྡེབ་ནས། ངའི་ཁྲོམ་ར། དངོས་ཟོག་རྩིས་ལེན་གྱི་ས་གནས་དོ་དམ་ནས་ཁྱེད་ཀྱི་དངོས་ཟོག་ལེན་སའི་གནས་ཡུལ་ཆ་འཕྲིན་སུབ་ཆོག (དངོས་ཟོག་རྩིས་ལེན་མཁན། ལག་ཁྱེར་ཁ་པར་ཨང་གྲངས་དང་དངོས་ཟོག་རྩིས་ལེན་གནས་ཡུལ།)ཉེར་སྤྱོད་དང་ཕྲད་ཡོལ་པར་གཞིའི་ཞིབ་ཕྲའི་འགྲོ་ལམ་ནི་ངའི་ནས་སྒྲིག་འགོད་དེ་ནས་དངོས་ཟོག་ལེན་སའི་གནས་ཡུལ་ཡིན། ཧྭ་ཝེ་ཁྲོམ་རའི་བྱ་རིམ་ཆུང་བའི་ཞིབ་ཕྲའི་འགྲོ་ལམ་ནི་ངའི་ནས་ངའི་གནས་ཡུལ་རུ་ཡིན།
ཁྱེད་ཀྱི་མངག་ཐོའི་ཆ་འཕྲིན། དཔེར་ན་གློག་ཀླད་ལྟེ་གནས་སུ་ཁྱེད་ཀྱིས་ཧྭ་ཝེ་ཁྲོམ་རའི་གཙོ་ངོས་ནས་གཡས་སྟེང་ཟུར་གྱི་རྩིས་ཨང་གཅེས་མིང་ལ་རྡེབ་ནས། ངའི་ཁྲོམ་ར། ངའི་མངག་ཐོ་ནས་ཁྱེད་ཀྱི་མངག་ཐོའི་ཆ་འཕྲིན་སུབ་ཆོག ཉེར་སྤྱོད། ཕྲད་ཡོལ་པར་གཞི་དང་བྱ་རིམ་ཆུང་བའི་ཞིབ་ཕྲའི་འགྲོ་ལམ་ནི་ངའི་ནས་ངའི་མངག་ཐོ་རུ་ཡིན།
དེ་མིན། གཤམ་གྱི་གནས་ཚུལ་དང་མཐུན་ན། ཁྱེད་ཀྱིས་སྒེར་གསང་གནད་དོན་(https://consumer.huawei.com/cn/legal/privacy-questions/)དྲ་ངོས་ལ་འཚམས་འདྲི་གནང་སྟེ་ང་ཚོར་སུབ་རྒྱུའི་རེ་བ་འདོན་ཆོག ང་ཚོས་ཁྱེད་ཀྱི་མི་སྒེར་གྱི་ཆ་འཕྲིན་སུབ་པའི་རེ་བ་དང་ལེན་བྱེད་ངེས།
(1)ང་ཚོས་བཅའ་ཁྲིམས་དང་ཁྲིམས་སྲོལ་གཏན་འབེབས་ལས་འགལ་ཏེ་མི་སྒེར་གྱི་ཆ་འཕྲིན་བསྡུ་རུབ་དང་བེད་སྤྱོད་བྱས་པ།
(2)ང་ཚོས་ཁྱེད་དང་ཁ་ཆད་དང་འགལ་ནས་མི་སྒེར་གྱི་ཆ་འཕྲིན་བསྡུ་རུབ་དང་བེད་སྤྱོད་བྱེད་པ།
(3)ང་ཚོས་བཅའ་ཁྲིམས་དང་ཁྲིམས་སྲོལ་གཏན་འབེབས་ལས་འགལ་བའམ་ཡང་ན་ཁྱེད་ཀྱི་ཁ་ཆད་དང་འགལ་ནས་ཕྱོགས་གསུམ་པར་མི་སྒེར་གྱི་ཆ་འཕྲིན་མཉམ་སྤྱོད་དང་ནང་བཤུག་བཏང་ན། ང་ཚོས་འཕྲལ་མར་མཉམ་སྤྱོད་དང་ནང་བཤུག་བྱེད་པའི་བྱ་སྤྱོད་འཇོག་རྒྱུ་མ་ཟད། ཕྱོགས་གསུམ་པར་དུས་ཐོག་ཏུ་སུབ་རྒྱུའི་བརྡ་ཐོ་གཏོང་རྒྱུ་ཡིན།
(4)ང་ཚོས་བཅའ་ཁྲིམས་དང་ཁྲིམས་སྲོལ་གྱི་གཏན་འབེབས་སམ་ཡང་ན་ཁྱེད་དང་ཁ་ཆད་དང་འགལ་ནས་མི་སྒེར་གྱི་ཆ་འཕྲིན་ཡོངས་གྲགས་སུ་ཁྱབ་བསྒྲགས་བྱས་ན། ང་ཚོས་འཕྲལ་མར་ཡོངས་བསྒྲགས་སུ་ཁྱབ་བསྒྲགས་བྱེད་པའི་བྱ་སྤྱོད་སྤེལ་མཚམས་འཇོག་རྒྱུ་མ་ཟད། འབྲེལ་ཡོད་བསྡུ་ལེན་ཕྱོགས་ལ་དེ་མཚུངས་ཀྱི་ཆ་འཕྲིན་སུབ་རྒྱུའི་བརྡ་བཏང་རྒྱུ་ཡིན།
གོང་གི་སུབ་རྒྱུའི་རེ་བ་དང་ལེན་བྱས་ཚེ། བཅའ་ཁྲིམས་དང་ཁྲིམས་སྲོལ་དུ་གཏན་འབེབས་གཞན་པ་ཡོད་པའི་ཆ་འཕྲིན་སོར་གཞག་བྱེད་རྒྱུ་ཕུད། ཁྱེད་ཀྱི་མི་སྒེར་གྱི་ཆ་འཕྲིན་སུབ་རྒྱུ་ཡིན།
3.3 ཁྱེད་ཀྱི་ཧྭ་ཝེའི་རྩིས་ཨང་ཐོ་སུབ་པ།
དཔེར་ན་གློག་ཀླད་ལྟེ་གནས་སུ་ཁྱེད་ཀྱིས་ཧྭ་ཝེ་ཁྲོམ་རའི་གཙོ་ངོས་ནས་གཡས་སྟེང་ཟུར་གྱི་རྩིས་ཨང་གཅེས་མིང་ལ་རྡེབ་ནས། དེ་ནས་ རྩིས་ཁྲ་ལྟེ་གནས། དེ་ནས་སྒྲིག་འགོད་དུ་ཕེབས་ནས་ཁྱེད་ཀྱི་ཧྭ་ཝེའི་རྩིས་ཨང་གསུབ་ཆོག ཉེར་སྤྱོད་དང་ཕྲད་ཡོལ་པར་གཞིའི་ཞིབ་ཕྲའི་འགྲོ་ལམ་ནི་ངའི་ནས་སྒྲིག་འགོད་དེ་ནས་རྩིས་ཨང་ལྟེ་གནས་སུ་ཡིན།
ཁྱེད་ཀྱིས་ཐོ་ཁོངས་ནས་སུབ་རྗེས། ང་ཚོས་བཅའ་ཁྲིམས་དང་ཁྲིམས་སྲོལ་གྱི་རེ་བ་ལྟར་ཁྱེད་ཀྱི་མི་སྒེར་གྱི་ཆ་འཕྲིན་སུབ་པའམ་མིང་མི་འགོད་པའི་ཐག་གཅོད་བྱ་རྒྱུ་ཡིན་མོད་འོན་ཀྱང་བཅའ་ཁྲིམས་དང་ཁྲིམས་སྲོལ་ལམ་ཡང་ན་ལྟ་སྐུལ་དོ་དམ་ལས་ཁུངས་ཀྱིས་སྤྱོད་མཁན་མི་སྒེར་གྱི་ཆ་འཕྲིན་ཉར་གསོག་བྱེད་པའི་དུས་ཚོད་ལ་གཏན་འབེབས་གཞན་དག་ཡོད་པ་ཕུད། ཁྱེད་ཀྱིས་གོང་གསལ་གྱི་རྩིས་ཨང་ཐོ་སུབ་པའི་བྱ་སྤྱོད་ནི་ཟློག་ཏུ་མེད་པའི་བྱ་སྤྱོད་ཅིག་རེད། ཧྭ་ཝེ་ཁྲོམ་རས་ཁྱེད་རང་ལ་ཚོགས་མིའི་ཞབས་ཞུ་མཁོ་འདོན་བྱེད་མཚམས་འཇོག་པ་མ་ཟད་ཁྱེད་ཀྱི་མི་སྒེར་གྱི་ཆ་འཕྲིན་བསྡུ་རུབ་མི་བྱེད། གལ་ཏེ་ཁྱེད་ཀྱིས་རྩིས་ཨང་ཐོ་སུབ་ཚེ། ཧྭ་ཝེ་ཁྲོམ་རས་ཁྱེད་རང་ལ་རྩིས་ཨང་བསྡམས་ཡོད་པའི་ཚོགས་མིའི་ཞབས་ཞུ་དེ་སླར་གསོ་བྱེད་ཐབས་བྲལ་བར་མ་ཟད་ཁྱེད་ཀྱིས་རང་འགུལ་ངང་ད་ཡོད་ཁེ་དབང་དོར་བ་ལ་བརྩིས་པས་ཁྱེད་ཀྱིས་གཟབ་ནན་ངང་བཀོལ་སྤྱོད་བྱ་རྒྱུའི་གྲོས་འགོ་འདོན་རྒྱུ་ཡིན།
3.4 ཕྱིར་འཐེན་བྱ་རྒྱུར་མོས་མཐུན་ཡོད།
ལས་སྒོའི་རྩོལ་ནུས་ཚང་མར་རྟག་ཏུ་མི་སྒེར་གྱི་གཞི་རྩའི་ཆ་འཕྲིན་བསྡུ་རུབ་བྱས་ཚེ་གཞི་ནས་གཉེར་སྐྱོང་ཐུབ་པ་དང་། ཁྱེད་རང་མི་སྒེར་གྱི་ཆ་འཕྲིན་བསྡུ་རུབ་དང་བེད་སྤྱོད་ཐད་ཁྱེད་ཀྱིས་སྒེར་གསང་གནད་དོན་(https://consumer.huawei.com/cn/legal/privacy-questions/)གྱི་དྲ་ངོས་ལ་འཚམས་འདྲི་བྱས་ནས་ཕྱིར་འཐེན་བྱ་རྒྱུར་མོས་མཐུན་ཡོད་པའི་རེ་བ་འདོན་པའམ་ཡང་ན་གསལ་བསྒྲགས་ནང་མཁོ་འདོན་བྱས་པའི་བྱ་ཐབས་ལ་བརྟེན་ནས་སོ་སོས་བཀོལ་སྤྱོད་བྱེད་ཆོག ཁྱེད་ཀྱིས་ཧྭ་ཝེ་ཁྲོམ་རའི་ཉེར་སྤྱོད་ནང་གི་ངའི་ནས་སྒྲིག་འགོད། དེ་ནས་སྒེར་གསང་སྒྲིག་འགོད་དུ་ཕེབས་ནས་སྤྱོད་མཁན་གྱི་ཉམས་ལེན་ལེགས་བཅོས་འཆར་གཞི་ཁ་རྒྱག་ཆོག
ཁྱེད་ཀྱིས་ཕྱིར་འཐེན་བྱ་རྒྱུར་མོས་མཐུན་བྱས་རྗེས། ང་ཚོས་མུ་མཐུད་དུ་ཁྱེད་ཀྱི་དེ་མཚུངས་ཀྱི་མི་སྒེར་གྱི་ཆ་འཕྲིན་བསྡུ་རུབ་དང་བེད་སྤྱོད་མི་བྱེད། ཁྱེད་ཀྱིས་བསམ་ཤེས་གནང་རྒྱུར་ཁྱེད་ཀྱིས་ཕྱིར་འཐེན་བྱ་རྒྱུར་མོས་མཐུན་བྱས་རྗེས། ཧྭ་ཝེ་ཁྲོམ་རས་མུ་མཐུད་དུ་ཁྱེད་རང་ལ་ཕྱིར་འཐེན་བྱ་རྒྱུར་མོས་མཐུན་དང་དབང་སྤྲོད་ཀྱི་དེ་མཚུངས་དམིགས་བསལ་ལ་ནུས་དང་ཞབས་ཞུ་མཁོ་འདོན་བྱེད་ཐབས་མེད། སྐུ་ཉིད་ཀྱིས་ཕྱིར་འཐེན་བྱ་རྒྱུར་མོས་མཐུན་ཡོད་པའི་ཐག་གཅོད་ཀྱིས་དེ་སྔོན་སྐུ་ཉིད་ཀྱི་དབང་ཆ་སྤྲད་ནས་བཟོས་པའི་མི་སྒེར་ཆ་འཕྲིན་ཐག་གཅོད་ལ་ཤུགས་རྐྱེན་ཐེབས་མི་སྲིད།
3.5 སྒྲིག་ཆས་དབང་མཚམས་འདོན་སྤྱོད།
ཁྱེད་ཀྱིས་ཧྭ་ཝེ་ཁྲོམ་རའི་ཉེར་སྤྱོད་ཞབས་ཞུ་བེད་སྤྱོད་སྐབས། ང་ཚོས་ཕལ་ཆེར་ཁྱེད་ཀྱི་སྒྲིག་ཆས་ཁ་ཤས་ཀྱི་དབང་ཚད་ཤར་གཏོང་བྱེད་དགོས་པ་དང་། དཔེར་ན་ཉར་ཚགས་དང་། ཁ་པར། པར་ཆས། གནས་ཡུལ། ཁ་པར་ཐོ་དེབ། དྲ་སྦྲེལ། ཉེར་སྤྱོད་ནང་ཉེར་སྤྱོད་གཞན་སྒྲིག་འཇུག་བྱེད་པ། ཅོག་ངོས་ཐོག་གི་མྱུར་ཐབས་རྣམ་པ་གསར་འཛུགས་ལ་སོགས། ཞིབ་ཕྲའི་དམིགས་ཡུལ་གཤམ་གསལ།
A. གསོག་འཇོག་གི་དབང་ཚད། ཁྱེད་ཀྱིས་ཐེངས་དང་པོར་ཧྭ་ཝེ་ཁྲོམ་རའི་ཉེར་སྤྱོད་ཁ་ཕྱེ་སྐབས། ཁྱེད་ཀྱིས་དབང་ཚད་དེ་ཁ་ཕྱེ་བ་བདམས་ནས་ཁྱེད་ཀྱི་SD བྱང་བུའི་ནང་གི་ནང་དོན་ཀློག་པ་དང་བཟོ་བཅོས་བྱེད་པ། བསུབ་པ་བཅས་བྱས་ནས་ཡིག་ཆ་ཉེར་ཚགས་དང་ཕབ་ལེན་བྱེད་པ་སོགས་ཀྱི་བཀོལ་སྤྱོད་ལ་བཀོལ་ཆོག
B. ཁ་པར་(སྒྲིག་ཆས་ཀྱི་ཆ་འཕྲིན།)གྱི་དབང་ཚད། ཁྱེད་ཀྱིས་ཐེངས་དང་པོར་ཧྭ་ཝེ་ཁྲོམ་རའི་ཉེར་སྤྱོད་ཁ་ཕྱེ་སྐབས། ཁྱེད་ཀྱིས་དབང་ཚད་དེ་ཁ་ཕྱེ་བ་བདམས་ནས་སྒྲིག་ཆས་ཀྱི་ཆ་འཕྲིན་ལེན་པར་སྤྱོད་ཆོག
C. གནས་ཡུལ་གྱི་དབང་ཚད། ཁྱོད་ཀྱིས་ཚོང་ཟོག་ལེན་སའི་ས་གནས་དང་ནང་འཇུག་བྱེད་པ་དང་ཡང་ན་ཉེ་འཁོར་གྱི་སྐུད་འོག་ཚོང་ཁང་འདྲི་རྩད་བྱེད་སྐབས། ཁྱེད་ཀྱིས་དབང་ཚད་དེ་ཁ་ཕྱེ་བ་བདམས་ནས་ང་ཚོས་ཁྱེད་ཀྱི་གནས་ཡུལ་གྱི་ཆ་འཕྲིན་བླངས་ནས་ཁྱེད་ཀྱི་མགྱོགས་འགྲོས་ལ་དངོས་པོ་ལེན་སའི་ས་གནས་སམ་ཉེ་འཁོར་གྱི་སྐུད་འོག་ཚོང་ཁང་ལ་འདྲི་རྩད་བྱེད་རོགས་བྱས་ཆོག
D. པར་ཆས་ཀྱི་དབང་ཚད། ཁྱེད་ཀྱིས་ཧྭ་ཝེ་ཁྲོམ་རའི་ནང་པར་ལེན་རྩོལ་ནུས་སྤྱོད་སྐབས། ཁྱེད་ཀྱིས་དབང་ཆ་དེ་སྤྱད་ནས་འདྲ་པར་ལེན་དགོས། ཁྱེད་རང་གིས་དབང་ཚད་དེའི་ཁ་འབྱེད་དགོས་པ་དང་། འདྲ་པར་རམ་བརྙན་ལམ་ལེན་པར་སྤྱོད།
E. འབྲེལ་གཏུག་ཟིན་བྲིས་ཀྱི་དབང་ཚད། ཁྱེད་རང་གིས་དངོས་ཟོག་རྩིས་ལེན་བྱེད་སའི་གནས་ཡུལ་ལ་དོ་དམ་བྱས་ནས་འབྲེལ་གཏུག་བྱེད་མཁན་འདེམས་སྐབས། ཁྱེད་རང་གིས་དབང་ཚད་དེའི་ཁ་འབྱེད་དགོས་པ་དང་། ཁྱེད་རང་གི་འབྲེལ་གཏུག་ཟིན་བྲིས་ཀློག་རྒྱུ་དང་འབྲེལ་གཏུག་བྱེད་མཁན་འདེམས་རྒྱུར་སྤྱོད།
ཁྱེད་རང་ཡང་སྒྲིག་ཆས་ཀྱི་སྒྲིག་བཀོད་རྩོལ་ནུས་ནང་ག་དུས་ཡིན་ནའང་ཆ་ཤས་སམ་ཡང་ན་ཡོངས་རྫོགས་ཀྱི་དབང་ཚད་ཁ་རྒྱབ་ནས་ང་ཚོས་ཁྱེད་ཀྱི་དེ་འཚུངས་མི་སྒེར་གྱི་ཆ་འཕྲིན་བསྡུ་རུབ་བྱེད་པ་དང་ལེན་མ་བྱས་ན་ཆོག སྒྲིག་ཆས་མི་འདྲ་བའི་ཁྲོད་དུ། དབང་ཚད་ཀྱི་མཚོན་ཐབས་དང་ཁ་རྒྱག་སྟངས་ཕལ་ཆེར་མི་འདྲ་སྟེ། ཞིབ་ཕྲ་སྒྲིག་ཆས་དང་རྒྱུད་ཁོངས་གསལ་བཤད་དམ་མཛུབ་སྟོན་ལ་ཟུར་ལྟ་གནང་རོགས།
3.6 ཚོད་འཛིན་ཆ་འཕྲིན་རྒྱུད་ཁོངས་རང་འགུལ་ངང་ཇུས་ཐག་གཅོད་པ།
ཁྱེད་རང་ངའི་ནས་སྒྲིག་འགོད་དེ་ནས་སྒེར་གསང་སྒྲིག་འགོད་ནས་རང་གཤིས་ཅན་གྱི་འོས་སྦྱོར་གྱི་ཁ་རྒྱབ་ནས་ཧྭ་ཝེ་ཁྲོམ་རའི་ཉེར་སྤྱོད་ཀྱིས་ཁྱེད་ལ་དེ་བས་འཚམ་པའི་ཐོན་རྫས་ཀྱི་ཞབས་ཞུ་འོས་སྦྱོར་བྱེད་པ་ཁ་བརྒྱབ་ཆོག
དཔེར་ན་གླིག་ཀླད་ལྟེ་གནས་སུ་ཁྱེད་ཀྱིས་ཧྭ་ཝེ་ཁྲོམ་རའི་གཙོ་ངོས་ནས་གཡས་སྟེང་ཟུར་གྱི་རྩིས་ཨང་གཅེས་མིང་ལ་རྡེབ་ནས། རྩིས་ཁྲ་ལྟེ་གནས། དེ་ནས་ངའི་བརྡ་འཕྲིན་དུ་ཕེབས་ནས་ཚོང་གཉེར་རིགས་ཀྱི་སྦྲག་ཡིག འཕྲིན་ཐུང་། རྒྱུད་ཁོངས་བརྡ་ཐོ་ཁ་རྒྱག་ཆོག ཉེར་སྤྱོད་དང་ཕྲད་ཡོལ་པར་གཞིར་ཁྱེད་ཀྱིས་ངའི་ནས་སྒྲིག་འགོད་དེ་ནས་བྱེད་སྒོ་འདེད་སྐྱེལ་ནས་ཚོང་གཉེར་རིགས་ཀྱི་སྦྲག་ཡིག འཕྲིན་ཐུང་། རྒྱུད་ཁོངས་བརྡ་ཐོ་ཁ་བརྒྱབ་ཆོག གོ་རིམ་ཆུང་ངུ་ནས་ཧྭ་ཝེའི་རྩིས་ཨང་ལ་བརྗེས་རྗེས་ཁྱེད་ཀྱིས་ངའི་ནས་བྱེད་སྒོ་འདེད་སྐྱེལ་ནས་ཚོང་གཉེར་རིགས་ཀྱི་སྦྲག་ཡིག འཕྲིན་ཐུང་། རྒྱུད་ཁོངས་བརྡ་ཐོ་ཁ་བརྒྱབ་ཆོག ཁྱེད་ཀྱིས་ཀྱང་ཚོང་གཉེར་སྦྲག་ཡིག་/འཕྲིན་ཐུང་ནང་ནས་མཁོ་འདོན་བྱས་པའི་བྱ་ཐབས་ལ་བརྟེན་ནས་ཚོང་གཉེར་རིགས་ཀྱི་བརྡ་འཕྲིན་ཕྱིར་འཐེན་བྱེད་ཆོག ཁྱེད་ཀྱིས་གོ་བ་ལེན་རྒྱུར། ང་ཚོས་དགོས་ངེས་རེད་བསམ་སྐབས།(དཔེར་ན་ང་ཚོས་ཧྭ་ཝེ་ཁྲོམ་རའི་ཞབས་ཞུ་གནས་སྐབས་མཚམས་འཇོག་ཉམས་གསོ་བྱེད་སྐབས།)ཧྭ་ཝེ་ཁྲོམ་ར་བརྒྱུད་ནས་ཁྱེད་ལ་ཞབས་ཞུ་དང་འབྲེལ་ཡོད་ཀྱི་སྤྱི་བསྒྲགས་སྤེལ་སྲིད། ཁྱེད་ཀྱིས་ཞབས་ཞུ་དང་འབྲེལ་བ་ཡོད་ལ་ཁྱབ་བསྒྲགས་རང་བཞིན་མིན་པའི་སྤྱི་བསྒྲགས་འདི་དག་འདོར་མི་རུང་།
3.7 ཁྱེད་ཀྱི་གོང་ཞུས་རེ་འདུན་དང་ལེན་།
བདེ་འཇགས་ལ་འགན་སྲུང་བྱེད་ཆེད། ང་ཚོས་སྔོན་ལ་ཁྱེད་ཀྱི་ཐོབ་ཐང་ར་སྤྲོད་བྱེད་རྒྱུའི་རེ་བ་འདོན་སྲིད། དེ་ནས་ཁྱེད་ཀྱི་རེ་ཞུ་ཐག་གཅོད་བྱེད་ཀྱི་རེད། ཁྱེད་ཀྱི་རེ་ཞུ་ལ་མཚོན་ན། ང་ཚོས་རྩ་དོན་ཐོག་ཁྱེད་ཀྱི་རེ་ཞུ་འབྱོར་བ་མ་ཟད་ཁྱེད་ཀྱི་ཐོབ་ཐང་ར་སྤྲོད་བྱས་རྗེས་ཀྱི་ཉིན་15ནང་ཚུན་དུ་ལན་བརྒྱབ་སྲིད།
བཅའ་ཁྲིམས་དང་ཁྲིམས་སྲོལ་གྱི་རེ་བ་དང་འགལ་བའམ་ཡང་ན་རྒྱལ་ཁབ་དང་། སྤྱི་ཚོགས། ཧྭ་ཝེ་དེ་བཞིན་རྩ་འཛུགས་གཞན་དག་དང་མི་སྒེར་གྱི་ཁྲིམས་མཐུན་ཁེ་དབང་ལ་ཉེན་ཁ་བཟོ་བའམ་ཡང་ན་སྤྱི་པའི་སྒྲིག་ལམ་དང་གོམས་སྲོལ་བཟང་པོ་ལས་འགལ་བའི་རེ་འདུན། ང་ཚོས་ཁས་ལེན་བྱེད་མི་སྲིད།
གལ་ཏེ་ཁྱེད་ཀྱིས་ཁྱེད་ཀྱི་གཞི་གྲངས་བྱེད་པོའི་ཁེ་དབང་ལ་དོགས་པ། བསམ་འཆར་དང་གྲོས་གཞི་གང་ཞིག་ཡོད་ན། སྒེར་གསང་གནད་དོན་(https://consumer.huawei.com/cn/legal/privacy-questions/)དྲ་ངོས་བརྒྱུད་ནས་ང་ཚོར་འབྲེལ་གཏུག་བྱེད་ཆོག
4. ཇི་ལྟར་བྱས་ཏེ་མི་སྒེར་གྱི་ཆ་འཕྲིན་ལ་གསོག་འཇོག་བྱེད།
4.1 མི་སྒེར་གྱི་ཆ་འཕྲིན་གསོག་ཉར་བྱེད་ས།
སྟེགས་བུ་དེས་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྐམ་ས་ཆེན་པོའི(ཀྲུང་གོའི་ཞང་ཀང་དང་། ཀྲུང་གོའི་ཨའོ་མོན་དང་ཀྲུང་གོའི་ཐའེ་ཝན་བཅས་ཚུད་མེད།)ས་ཁོངས་ནང་གི་སྤྱོད་མཁན་ཁོ་ནར་ཞབས་འདེགས་ཞུ་རྒྱུ་མ་ཟད་མི་སྒེར་གྱི་ཆ་འཕྲིན་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་མངའ་ཁོངས་སུ་ཉར་ཚགས་བྱ་རྒྱུ་རེད།
4.2 མི་སྒེར་གྱི་ཆ་འཕྲིན་ཉར་ཚགས་བྱེད་པའི་དུས་བཅད།
ཁྱེད་ཀྱི་དྲ་གྲངས་ཐོ་འདོར་རྗེས། ང་ཚོས་ཁྱེད་ཀྱི་མི་སྒེར་གྱི་ཆ་འཕྲིན་སུབ་སྲིད། བཅའ་ཁྲིམས་ཁྲིམས་སྲོལ་གྱིས་རེ་བ་གཞན་ཡོད་པ་ཕུད། ང་ཚོས་དམིགས་ཡུལ་མངོན་འགྱུར་ཡོང་བར་དགོས་ངེས་ཀྱི་དུས་ཚོད་ཁོ་ནའི་ནང་ཁྱེད་ཀྱི་མི་སྒེར་གྱི་ཆ་འཕྲིན་ཉར་གསོག་བྱེད་པ་མ་ཟད། གཤམ་དུ་བརྗོད་པའི་ཉར་གསོག་གི་དུས་ཚོད་ལས་བརྒལ་རྗེས། ཁྱེད་ཀྱི་མི་སྒེར་གྱི་ཆ་འཕྲིན་སུབ་པའམ་མིང་མི་འགོད་པའི་ཐོག་ནས་ཐག་གཅོད་བྱེད་སྲིད། དཔེར་ན། མངག་ཐོའི་ཆ་འཕྲིན་དེ་བཙོངས་རྗེས་ཀྱི་ཞབས་ཞུ་དང་རྒྱལ་ཁབ་ཀྱི་ཁྲལ་དོན་དང་། དངུལ་རྩ། ནོར་དོན་བཅས་འབྲེལ་ཡོད་བཅའ་ཁྲིམས་ཀྱི་གཏན་འབེབས་ལ་བརྩི་སྲུང་བྱ་དགོས་པས་ཉར་ཚགས་བྱེད་ཡུན་ལོ་བདུན་(7)ཡིན་པ་དང་། མངག་ཐོའི་ཆ་འཕྲིན་ནང་ཁྱེད་ཀྱི་རུས་མིང་དང་། ལག་ཐོགས་ཁ་པར་གྱི་ཨང་གྲངས།དངོས་ཟོག་རྩིས་ལེན་གྱི་ས་གནས མངགས་ཐོའི་ཨང་གྲངས།དངུལ་སྤྲོད་རྒྱུན་མཐུད་ཨང་གྲངས། བཙོངས་འཛིན་གྱི་ས་གནས། ཟོག་འགྲེམས་ཐོ་འགོད་ཨང་གྲངས། IPགནས་ཡུལ། ཡིག་སྒམ་གྱི་གནས་ཡུལ། སྒྲིག་ཆས་ཀྱི་གསལ་བྱེད་རྟགས། ཟོག་གཏོང་ཨང་རྟགས། ཧྭ་ཝེའི་ཐོ་ཨང་བཅས་ཚུད་ཡོད། ཁྱེད་རང་ལ་མུ་མཐུད་སྤུས་ལེགས་ཀྱི་མཁོ་མཁན་ཞབས་ཞུ་མཁོ་འདོན་བྱ་ཆེད།མཁོ་མཁན་ཞབས་ཞུའི་གཞི་གྲངས་དེ་ཁྱེད་ཀྱི་མཇུག་མཐའི་ཧྭ་ཝེ་དང་བརྗེ་རེས་སྤེལ་རེས་ཉིན་ནས་བཟུང་ལོ་གཉིས་(2)ཀྱི་རྗེས་སུ་སུབ་རྒྱུ་ཡིན་པས་མཁོ་མཁན་ཞབས་ཞུའི་གཞི་གྲངས།1.1མཁོ་མཁན་ཞབས་ཞུའི་བཟོ་ལྗོངས་ལ་གཟིགས་རོགས། ཁྱེད་ཀྱིས་གཞི་གྲངས་ཉར་ཚགས་བྱ་བའི་དུས་ཡུན་ནང་དུ་རྩིས་ཐེམ་སུབ་པའམ་རང་འགུལ་གྱིས་ཚོང་ཟོག་མངག་ཐོ་སུབ་པ་ཡིན་ཚེ། ཉོ་ཚོང་དེ་རིགས་ཀྱི་གཞི་གྲངས་མདུན་སྟེགས་སུ་སུབ་འདོར་བྱེད་པ་ཙམ་རེད། ཧྭ་ཝེའི་རྒྱབ་སྟེགས་ལ་འདིའི་རིགས་ཉོ་ཚོང་གི་གཞི་གྲངས་ཉར་ཚགས་བྱ་བའི་དུས་ཡུན་མཇུག་སྒྲིལ་སྒྲིལ་བར་དུ་ཉར་གསོག་བྱེད་པའི་དབང་ཆ་ཡོད།
དེ་མིན། ང་ཚོའི་ཐོན་རྫས་སམ་ཞབས་ཞུ་འཁོར་སྐྱོད་བྱེད་མཚམས་འཇོག་པའི་གནས་ཚུལ་ཐོན་ཚེ། ང་ཚོས་བརྡ་ཐོ་དང་སྤྱི་བསྒྲགས་སོགས་ཀྱི་རྣམ་པའི་ཐོག་ནས་ཁྱེད་ལ་བརྡ་ཐོ་གཏོང་བ་མ་ཟད། ལུགས་མཐུན་གྱི་དུས་ཡུན་ནང་དུ་ཁྱེད་ཀྱི་མི་སྒེར་གྱི་ཆ་འཕྲིན་སུབ་པའམ་མིང་མི་འགོད་པའི་ཐོག་ནས་ཐག་གཅོད་བྱ་སྲིད།
5. ང་ཚོར་འབྲེལ་གཏུག་ཇི་ལྟར་བྱེད།
ང་ཚོས་མི་སྒེར་གྱི་ཆ་འཕྲིན་སྲུང་སྐྱོབ་ཆེད་གཉེར་ལས་འགན་གྱི་སྡེ་ཁག་ (ཡང་ན་མི་སྒེར་གྱི་ཆ་འཕྲིན་སྲུང་སྐྱོབ་ཆེད་བཏང་མི་སྣ།) གསར་འཛུགས་སམ་བསྐོ་གཞག་བྱས་ཡོད། ཁྱེད་ཀྱིས་སྒེར་གསང་གནད་དོན་(https://consumer.huawei.com/cn/legal/privacy-questions/)གྱི་དྲ་ངོས་ལ་ལྟ་སྤྱོད་བྱེད་པ་བརྒྱུད་ནས་ང་ཚོ་དང་འབྲེལ་གཏུག་གནང་ཆོག་སྟེ། ང་ཚོས་གང་མགྱོགས་ལན་འདེབས་སྲིད།
གལ་སྲིད་ཁྱེད་ཀྱིས་ང་ཚོས་ལན་འདེབས་པ་དེ་བློ་ལ་མ་བབ་ན། ལྷག་པར་དུ་ང་ཚོས་མི་སྒེར་གྱི་ཆ་འཕྲིན་ཐག་གཅོད་པའི་བྱ་སྤྱོད་ཀྱིས་ཁྱེད་ཀྱི་ཁྲིམས་མཐུན་ཁེ་དབང་ལ་གནོད་འཚེ་བཏང་བ་ཡིན་ཚེ། ཁྱེད་ཀྱིས་དོ་དམ་དབང་ཆ་ཡོད་པའི་མི་དམངས་ཁྲིམས་ཁང་ལ་ཞུ་གཏུག་རྒྱག་པ་ལས་རིགས་རང་བདག་མཐུན་ཚོགས་སམ་སྲིད་གཞུང་འབྲེལ་ཡོད་དོ་དམ་ལས་ཁུངས་ལ་ཞུ་གཏུག་རྒྱག་པ་སོགས་ཀྱི་ཕྱི་རོལ་ཐབས་ལམ་བརྒྱུད་ནས་ཐག་གཅོད་བྱེད་ཆོག
6. གསལ་བསྒྲགས་འདི་གསར་སྒྱུར་ཇི་ལྟར་བྱེད།
6.1 ང་ཚོས་དུས་དང་མཐུན་པར་གསལ་བསྒྲགས་འདི་གསར་སྒྱུར་བྱེད་པའི་དབང་ཆ་སོར་ཉར་བྱེད། གསལ་བསྒྲགས་ལ་འགྱུར་ལྡོག་བྱུང་དུས་ང་ཚོས་སྤྱི་བསྒྲགས། འཕར་ཁུང་སོགས་ཀྱི་རྣམ་པའི་ཐོག་ནས་ཁྱེད་ལ་འགྱུར་ལྡོག་བཏང་རྗེས་ཀྱི་གསལ་བསྒྲགས་སྟོན་སྲིད།
6.2 ཁྱེད་ཀྱི་དོ་གནང་བྱེད་རྒྱུར། ཁྱེད་ཀྱི་མོས་མཐུན་ཐོབ་རྗེས་སུ་ང་ཚོས་གཞི་ནས་གསར་སྒྱུར་བྱས་རྗེས་ཀྱི་གསལ་བསྒྲགས་ལ་གཞིགས་ནས་ཁྱེད་ཀྱི་མི་སྒེར་གྱི་ཆ་འཕྲིན་སྡུད་པ། སྤྱོད་པ་ཐག་གཅོད་དེ་བཞིན་གསོག་འཇོག་བཅས་བྱེད།
6.3 གཤམ་གྱི་འགྱུར་ལྡོག་གལ་ཆེན་དང་འབྲེལ་བ་ཡོད་ཚེ། ཞིབ་ཕྲའི་གནས་ཚུལ་ལ་གཞིགས་ནས་ང་ཚོས་ད་རུང་དེ་ལས་མངོན་གསལ་གྱི་གསལ་བཤད་མཁོ་སྤྲོད་བྱེད་སྲིད།
A. ང་ཚོའི་བདག་དབང་ཆ་ཚང་གི་གྲུབ་ཚུལ་ལ་འགྱུར་ལྡོག་ཆེན་པོ་བྱུང་བ། དཔེར་ན་བུན་སྟོངས་མཉམ་ཉོ་སོགས་ཀྱིས་དབང་མཁན་འགྱུར་བ་བྱུང་བ་སོགས།
B. མི་སྒེར་གྱི་ཆ་འཕྲིན་བདེ་འཇགས་ཀྱིས་སྐར་གྲངས་དཔྱད་བསྡུར་སྙན་ཞུའི་ནང་དུ་ཉེན་ཁ་ཆེན་པོ་ཡོད་པ་མཚོན་པར་ཤུགས་རྐྱེན་ཐེབས།
7. མིང་ཚིག་འབྲེལ་འཤད།
གསང་དོན་གསལ་བསྒྲགས་འདིའི་ནང་བེད་སྤྱོད་པའི་ཆེད་སྤྱོད་ཐ་སྙད་དང་། རྒྱུན་ལྡན་གྱི་དོན་སྙིང་ནང་གཤམ་གསལ་གྱི་མཚན་ཉིད་བཞག་ཡོད་པ་སྟེ།
7.1 མི་སྒེར་གྱི་ཆ་འཕྲིན། མི་སྒེར་གྱི་ཆ་འཕྲིན་ཞེས་པ་ནི་གློག་རྡུལ་དང་དེ་མིན་གྱི་བྱ་ཐབས་སྤྱད་དེ་ཟིན་ཐོ་བཀོད་པའི་ཁེར་རྐྱང་ངམ་དེ་མིན་གྱི་ཆ་འཕྲིན་དང་ཟུང་འབྲེལ་བྱས་ཏེ་གང་ཟག་མི་སྒེར་གྱི་ཐོབ་ཐང་གི་ཆ་འཕྲིན་ཅི་རིགས་ལ་ཟེར། དེའི་ནང་དུ་རང་བྱུང་མིའི་རུས་མིང་དང་། སྐྱེས་སྐར། ཐོབ་ཐང་ལག་ཁྱེར་གྱི་ཨང་གྲངས། མི་སྒེར་གྱི་སྐྱེ་དངོས་དབྱེ་འབྱེད་ཀྱི་ཆ་འཕྲིན། སྡོད་གནས། ཁ་པར་ཨང་གྲངས་སོགས་ཚུད་ཡོད།
7.2 མི་སྒེར་གྱི་ཚོར་བ་སྐྱེན་པའི་ཆ་འཕྲིན། མི་སྒེར་གྱི་ཚོར་བ་སྐྱེན་པའི་ཆ་འཕྲིན་ཞེས་པ་ནི་ནམ་ཞིག་ཕྱིར་བསྒྲགས། ཁྲིམས་འགལ་ངང་མཁོ་འདོན་བྱེད་པའམ་ཡང་ན་གང་བྱུང་དུ་སྤྱད་ནས་མི་ལུས་དང་རྒྱུ་ནོར་གྱི་བདེ་འཇགས་ལ་གནོད་འཚེ་བཟོ་བ་དང་མི་སྒེར་གྱི་མིང་གྲགས་དང་ལུས་སེམས་བདེ་ཐང་ལ་གནོད་འཚེ་ཕོག་སླ་བའམ་ཡང་ན་མཐོང་ཆུང་རང་བཞིན་གྱི་ཐོབ་ཐང་སོགས་ཀྱི་མི་སྒེར་གྱི་ཆ་འཕྲིན་ལ་ཟེར། དཔེར་ན། མི་སྒེར་གྱི་ཚོར་སྐྱེན་པའི་ཆ་འཕྲིན་ནང་ཐོབ་ཐང་ལག་ཁྱེར་གྱི་ཨང་གྲངས་དང་། མི་སྒེར་གྱི་སྐྱེ་དངོས་དབྱེ་འབྱེད་ཀྱི་ཆ་འཕྲིན། དངུལ་ཁང་གི་རྩིས་ཨང་། འཕྲིན་གཏོང་ནང་དོན། བདེ་ཐང་ལུས་ཁམས་ཀྱི་ཆ་འཕྲིན་སོགས་ཚུད་ཡོད།
7.3 འབྲེལ་ཡོད་ཀུང་སི། ཞེས་པ་ནི་ང་ཚོ་འབྲེལ་བ་ཡོད་པའི་དང་ཐད་ཀར་རམ་བར་བརྒྱུད་གང་རུང་(གཅིག་གམ་གཅིག་ཡན་གྱི་མཚམས་སྦྱོར་དང་ཡང་ན་གྲོས་མཐུན་བཀོད་སྒྲིག་རྒྱུད་པ།)ཚོད་འཛིན་བྱེད་མཁན་ཕྱོགས་སམ་ཚོད་འཛིན་ཕྱོགས། ཡང་ན་ཕྱོགས་དེ་དང་མཉམ་དུ་ཚོད་འཛིན་བྱེད་པའི་མི་སྒེར་དང་། མཉམ་འབྲེལ། རྩ་འཛུགས་སམ་དངོས་ཚན་གང་རུང་ལ་ཟེར། ཚོད་འཛིན་ཞེས་པ་ནི་ཚོད་འཛིན་ཐེབས་པའམ་ཐུན་མོང་ཚོད་འཛིན་ཐེབས་པའི་ལས་ཁུངས་སུ་ལས་འཛིན་པའམ་ཡང་ན་དོ་དམ་གྱི་འགན་འཁུར་བ་གཞན་དག་འདེམས་བསྐོ་བྱེད་པའི་མ་རྐང་ངམ་ཡང་ན་དངུལ་འཛིན་གཞན་དག་ཐད་ཀར་རམ་གཞན་བརྒྱུད་ཀྱི་སྒོ་ནས་མ་མཐར་ཡང་བརྒྱ་ཆ་30འདེམས་ཤོག་འཕེན་དབང་ཡོད་པར་ཟེར།
7.4 སྒྲིག་ཆས། སྒྲིག་ཆས་ཞེས་པ་ནི་ཧྭ་ཝེ་ཁྲོམ་རའི་ཐོན་རྫས་དང་།/ཡང་ན་ཞབས་ཞུར་འཚམས་འདྲི་བྱེད་ཚོམ་པའི་སྒྲིག་ཆས་ལ་ཟེར། དཔེར་ན་གདན་འཇོག་རྩིས་འཁོར་དང་། དེབ་ཟིན་གློག་ཀླད། ངོས་ལེབ་གློག་ཀླད། རིག་ནུས་ལག་ཁྱེར་ཁ་པར། རིག་ནུས་ཡོལ་ཆེན། རིག་ནུས་ཆུ་ཚོད། རིག་ནུས་སྒྲ་སྒམ་སོགས་ལྟ་བུ།
7.5 སྒྲིག་ཆས་ཀྱི་གསལ་བྱེད་རྟགས། སྒྲིག་ཆས་ཀྱི་གསལ་བྱེད་རྟགས། (ཆེད་གཏོགས་IDའམ་UUID)ཞེས་པ་ནི་སྒྲིག་ཆས་བཟོ་སྐྲུན་མཁན་གྱིས་སྒྲིག་ཆས་ནང་བཅུག་པའི་ཡིག་རྟགས་ཕྲེང་ཞིག་ཡིན། དེ་གཅིག་པུར་ཡོད་པའི་རྣམ་པས་དེ་མཚུངས་སྒྲིག་ཆས་ཀྱི་མཚོན་རྟགས་བཀོད་ཆོག
7.6 IPགནས་ཡུལ། དྲ་འཇུག་སྒྲིག་ཆས་ཚང་མས་ཨང་རྟགས་རེ་གཏན་འཁེལ་བྱེད་དེ་། མཉམ་སྦྲེལ་དྲ་རྒྱའི་གྲོས་མཐུན་(IP)གྱི་གནས་ཡུལ་ཟེར། ཨང་རྟགས་འདི་དག་ཚང་མ་ས་ཁམས་ས་ཁོངས་ལྟར་གཏན་འཁེལ་བྱས་པ་ཡིན། IP གནས་ཡུལ་ནི་རྒྱུན་པར་སྒྲིག་ཆས་ནས་མཉམ་སྦྲེལ་དྲ་རྒྱར་སྦྲེལ་སྐབས་ཀྱི་གནས་ཡུལ་དབྱེ་འབྱེད་བྱེད་པར་བེད་སྤྱོད།